Aristophanes, Frogs, Choral, antistrophe 1

εἰ δὲ τοῦτο καταφοβεῖσθον, μή τισ ἀμαθία προσῇ τοῖσ θεωμένοισιν, ὡσ τὰ λεπτὰ μὴ γνῶναι λεγόντοιν, μηδὲν ὀρρωδεῖτε τοῦθ’· ὡσ οὐκέθ’ οὕτω ταῦτ’ ἔχει. ἐστρατευμένοι γάρ εἰσι, βιβλίον τ’ ἔχων ἕκαστοσ μανθάνει τὰ δεξιά· αἱ φύσεισ τ’ ἄλλωσ κράτισται, νῦν δὲ καὶ παρηκόνηνται. μηδὲν οὖν δείσητον, ἀλλὰ πάντ’ ἐπέξιτον θεατῶν γ’ οὕνεχ’ ὡσ ὄντων σοφῶν.