Aristophanes, Frogs, Lyric-Scene 1:

(아리스토파네스, Frogs, Lyric-Scene 1:)

ἕτοιμόσ εἰμ’ ἔγωγε, κοὐκ ἀναδύομαι, δάκνειν δάκνεσθαι πρότεροσ, εἰ τούτῳ δοκεῖ, τἄπη, τὰ μέλη, τὰ νεῦρα τῆσ τραγῳδίασ, καὶ νὴ Δία τὸν Πηλέα γε καὶ τὸν Αἰόλον καὶ τὸν Μελέαγρον κἄτι μάλα τὸν Τήλεφον. τί δαὶ σὺ βουλεύει ποιεῖν; λέγ’ Αἰσχύλε. ἐβουλόμην μὲν οὐκ ἐρίζειν ἐνθάδε· οὐκ ἐξ ἴσου γάρ ἐστιν ἁγὼν νῷν. τί δαί; ὅτι ἡ ποίησισ οὐχὶ συντέθνηκέ μοι, τούτῳ δὲ συντέθνηκεν, ὥσθ’ ἕξει λέγειν. ὅμωσ δ’ ἐπειδή σοι δοκεῖ, δρᾶν ταῦτα χρή. ἴθι νυν λιβανωτὸν δεῦρό τισ καὶ πῦρ δότω. ὅπωσ ἂν εὔξωμαι πρὸ τῶν σοφισμάτων ἀγῶνα κρῖναι τόνδε μουσικώτατα· ὑμεῖσ δὲ ταῖσ Μούσαισ τι μέλοσ ὑπᾴσατε.

상위

Frogs

목록

일치하는 문장이 없습니다.

SEARCH

MENU NAVIGATION