헬라어 문장 검색 - ΑριστοπήΦρογσ́07́00́0́

(아리스토파네스, Frogs, Lyric-Scene)

οὐκ ἂν μεθείμην τοῦ θρόνου, μὴ νουθέτει. κρείττων γὰρ εἶναί φημι τούτου τὴν τέχνην. Αἰσχύλε τί σιγᾷσ; αἰσθάνει γὰρ τοῦ λόγου. ἀποσεμνυνεῖται πρῶτον, ἅπερ ἑκάστοτε ἐν ταῖσ τραγῳδίαισιν ἐτερατεύετο. ὦ δαιμόνι’ ἀνδρῶν μὴ μεγάλα λίαν λέγε. ἐγᾦδα τοῦτον καὶ διέσκεμμαι πάλαι, ἄνθρωπον ἀγριοποιὸν αὐθαδόστομον, ἔχοντ’ ἀχάλινον ἀκρατὲσ ἀπύλωτον στόμα, ἀπεριλάλητον κομποφακελορρήμονα. ἄληθεσ ὦ παῖ τῆσ ἀρουραίασ θεοῦ; σὺ δή με ταῦτ’ ὦ στωμυλιοσυλλεκτάδη καὶ πτωχοποιὲ καὶ ῥακιοσυρραπτάδη; ἀλλ’ οὔ τι χαίρων αὔτ’ ἐρεῖσ. παῦ’ Αἰσχύλε, καὶ μὴ πρὸσ ὀργὴν σπλάγχνα θερμήνῃσ κότῳ. οὐ δῆτα πρίν γ’ ἂν τοῦτον ἀποφήνω σαφῶσ τὸν χωλοποιὸν οἱο͂σ ὢν θρασύνεται. ἄρν’ ἄρνα μέλανα παῖδεσ ἐξενέγκατε· τυφὼσ γὰρ ἐκβαίνειν παρασκευάζεται. ὦ Κρητικὰσ μὲν συλλέγων μονῳδίασ, γάμουσ δ’ ἀνοσίουσ ἐσφέρων ἐσ τὴν τέχνην. ἐπίσχεσ οὗτοσ ὦ πολυτίμητ’ Αἰσχύλε. ἀπὸ τῶν χαλαζῶν δ’ ὦ πόνηρ’ Εὐριπίδη ἄναγε σεαυτὸν ἐκποδών, εἰ σωφρονεῖσ, ἵνα μὴ κεφαλαίῳ τὸν κρόταφόν σου ῥήματι θενὼν ὑπ’ ὀργῆσ ἐκχέῃ τὸν Τήλεφον· σὺ δὲ μὴ πρὸσ ὀργὴν Αἰσχύλ’ ἀλλὰ πρᾳόνωσ ἔλεγχ’ ἐλέγχου· λοιδορεῖσθαι δ’ οὐ πρέπει ἄνδρασ ποιητὰσ ὥσπερ ἀρτοπώλιδασ. σὺ δ’ εὐθὺσ ὥσπερ πρῖνοσ ἐμπρησθεὶσ βοᾷσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Aristophanes, Frogs, Lyric-Scene

(아리스토파네스, Frogs, Lyric-Scene)

상위

목록

SEARCH

MENU NAVIGATION