헬라어 문장 검색 - ΑριστοπήΦρογσ́05́00́1́

(아리스토파네스, Frogs, Episode 1:)

μὰ Δί’ οὐκ ἐκεῖνοσ, ἀλλ’ ἔκυσε μὲν Αἰσχύλον, ὅτε δὴ κατῆλθε, κἀνέβαλε τὴν δεξιάν, κἀκεῖνοσ ὑπεχώρησεν αὐτῷ τοῦ θρόνου· νυνὶ δ’ ἔμελλεν, ὡσ ἔφη Κλειδημίδησ, ἔφεδροσ καθεδεῖσθαι· κἂν μὲν Αἰσχύλοσ κρατῇ, ἕξειν κατὰ χώραν· εἰ δὲ μή, περὶ τῆσ τέχνησ διαγωνιεῖσθ’ ἔφασκε πρόσ γ’ Εὐριπίδην. τὸ χρῆμ’ ἄρ’ ἔσται; νὴ Δί’ ὀλίγον ὕστερον. κἀνταῦθα δὴ τὰ δεινὰ κινηθήσεται. καὶ γὰρ ταλάντῳ μουσικὴ σταθμήσεται ‐ τί δέ; μειαγωγήσουσι τὴν τραγῳδίαν; καὶ κανόνασ ἐξοίσουσι καὶ πήχεισ ἐπῶν καὶ πλαίσια ξύμπτυκτα ‐ πλινθεύσουσι γάρ; καὶ διαμέτρουσ καὶ σφῆνασ. ὁ γὰρ Εὐριπίδησ κατ’ ἔποσ βασανιεῖν φησι τὰσ τραγῳδίασ. ἦ που βαρέωσ οἶμαι τὸν Αἰσχύλον φέρειν. ἔβλεψε γοῦν ταυρηδὸν ἐγκύψασ κάτω. κρινεῖ δὲ δὴ τίσ ταῦτα; τοῦτ’ ἦν δύσκολον· σοφῶν γὰρ ἀνδρῶν ἀπορίαν ηὑρισκέτην. οὔτε γὰρ Ἀθηναίοισι συνέβαιν’ Αἰσχύλοσ ‐ πολλοὺσ ἴσωσ ἐνόμιζε τοὺσ τοιχωρύχουσ. λῆρόν τε τἄλλ’ ἡγεῖτο τοῦ γνῶναι πέρι φύσεισ ποιητῶν· εἶτα τῷ σῷ δεσπότῃ ἐπέτρεψαν, ὁτιὴ τῆσ τέχνησ ἔμπειροσ ἦν. ἀλλ’ εἰσίωμεν· ὡσ ὅταν γ’ οἱ δεσπόται ἐσπουδάκωσι, κλαύμαθ’ ἡμῖν γίγνεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Aristophanes, Frogs, Episode 1:

(아리스토파네스, Frogs, Episode 1:)

상위

목록

SEARCH

MENU NAVIGATION