헬라어 문장 검색 - ΑριστοπήΦρογσ́05́

(아리스토파네스, Frogs, Episode)

νὴ τὸν Δία τὸν σωτῆρα γεννάδασ ἀνὴρ ὁ δεσπότησ σου. πῶσ γὰρ οὐχὶ γεννάδασ, ὅστισ γε πίνειν οἶδε καὶ βινεῖν μόνον; τὸ δὲ μὴ πατάξαι σ’ ἐξελεγχθέντ’ ἄντικρυσ, ὅτι δοῦλοσ ὢν ἔφασκεσ εἶναι δεσπότησ. ᾤμωξε μέντἄν. τοῦτο μέντοι δουλικὸν εὐθὺσ πεποίηκασ, ὅπερ ἐγὼ χαίρω ποιῶν. χαίρεισ, ἱκετεύω; μἀλλ’ ἐποπτεύειν δοκῶ, ὅταν καταράσωμαι λάθρᾳ τῷ δεσπότῃ. τί δὲ τονθορύζων, ἡνίκ’ ἂν πληγὰσ λαβὼν πολλὰσ ἀπίῃσ θύραζε; καὶ τοῦθ’ ἥδομαι. τί δὲ πολλὰ πράττων; ὡσ μὰ Δί’ οὐδὲν οἶδ’ ἐγώ. ὁμόγνιε Ζεῦ· καὶ παρακούων δεσποτῶν ἅττ’ ἂν λαλῶσι; μἀλλὰ πλεῖν ἢ μαίνομαι. τί δὲ τοῖσ θύραζε ταῦτα καταλαλῶν; ἐγώ; μὰ Δί’ ἀλλ’ ὅταν δρῶ τοῦτο, κἀκμιαίνομαι. ὦ Φοῖβ’ Ἄπολλον ἔμβαλέ μοι τὴν δεξιάν, καὶ δὸσ κύσαι καὐτὸσ κύσον, καί μοι φράσον πρὸσ Διόσ, ὃσ ἡμῖν ἐστιν ὁμομαστιγίασ, τίσ οὗτοσ οὕνδον ἐστὶ θόρυβοσ καὶ βοὴ χὠ λοιδορησμόσ; Αἰσχύλου κεὐριπίδου. ἆ. πρᾶγμα πρᾶγμα μέγα κεκίνηται μέγα ἐν τοῖσ νεκροῖσι καὶ στάσισ πολλὴ πάνυ. ἐκ τοῦ; νόμοσ τισ ἐνθάδ’ ἐστὶ κείμενοσ ἀπὸ τῶν τεχνῶν ὅσαι μεγάλαι καὶ δεξιαί, τὸν ἄριστον ὄντα τῶν ἑαυτοῦ συντέχνων σίτησιν αὐτὸν ἐν πρυτανείῳ λαμβάνειν θρόνον τε τοῦ Πλούτωνοσ ἑξῆσ ‐ μανθάνω. ἑώσ ἀφίκοιτο τὴν τέχνην σοφώτεροσ ἕτερόσ τισ αὐτοῦ· τότε δὲ παραχωρεῖν ἔδει. τί δῆτα τουτὶ τεθορύβηκεν Αἰσχύλον; ἐκεῖνοσ εἶχε τὸν τραγῳδικὸν θρόνον, ὡσ ὢν κράτιστοσ τὴν τέχνην. νυνὶ δὲ τίσ; ὅτε δὴ κατῆλθ’ Εὐριπίδησ, ἐπεδείκνυτο τοῖσ λωποδύταισ καὶ τοῖσι βαλλαντιοτόμοισ καὶ τοῖσι πατραλοίαισι καὶ τοιχωρύχοισ, ὅπερ ἔστ’ ἐν Αἵδου πλῆθοσ, οἱ δ’ ἀκροώμενοι τῶν ἀντιλογιῶν καὶ λυγισμῶν καὶ στροφῶν ὑπερεμάνησαν κἀνόμισαν σοφώτατον· κἄπειτ’ ἐπαρθεὶσ ἀντελάβετο τοῦ θρόνου, ἵν’ Αἰσχύλοσ καθῆστο. κοὐκ ἐβάλλετο; μὰ Δί’ ἀλλ’ ὁ δῆμοσ ἀνεβόα κρίσιν ποιεῖν ὁπότεροσ εἰή τὴν τέχνην σοφώτεροσ. ὁ τῶν πανούργων; νὴ Δί’ οὐράνιόν γ’ ὅσον. μετ’ Αἰσχύλου δ’ οὐκ ἦσαν ἕτεροι σύμμαχοι; ὀλίγον τὸ χρηστόν ἐστιν, ὥσπερ ἐνθάδε. τί δῆθ’ ὁ Πλούτων δρᾶν παρασκευάζεται; ἀγῶνα ποιεῖν αὐτίκα μάλα καὶ κρίσιν κἄλεγχον αὐτῶν τῆσ τέχνησ. κἄπειτα πῶσ οὐ καὶ Σοφοκλέησ ἀντελάβετο τοῦ θρόνου; μὰ Δί’ οὐκ ἐκεῖνοσ, ἀλλ’ ἔκυσε μὲν Αἰσχύλον, ὅτε δὴ κατῆλθε, κἀνέβαλε τὴν δεξιάν, κἀκεῖνοσ ὑπεχώρησεν αὐτῷ τοῦ θρόνου· νυνὶ δ’ ἔμελλεν, ὡσ ἔφη Κλειδημίδησ, ἔφεδροσ καθεδεῖσθαι· κἂν μὲν Αἰσχύλοσ κρατῇ, ἕξειν κατὰ χώραν· εἰ δὲ μή, περὶ τῆσ τέχνησ διαγωνιεῖσθ’ ἔφασκε πρόσ γ’ Εὐριπίδην. τὸ χρῆμ’ ἄρ’ ἔσται; νὴ Δί’ ὀλίγον ὕστερον. κἀνταῦθα δὴ τὰ δεινὰ κινηθήσεται. καὶ γὰρ ταλάντῳ μουσικὴ σταθμήσεται ‐ τί δέ; μειαγωγήσουσι τὴν τραγῳδίαν; καὶ κανόνασ ἐξοίσουσι καὶ πήχεισ ἐπῶν καὶ πλαίσια ξύμπτυκτα ‐ πλινθεύσουσι γάρ; καὶ διαμέτρουσ καὶ σφῆνασ. ὁ γὰρ Εὐριπίδησ κατ’ ἔποσ βασανιεῖν φησι τὰσ τραγῳδίασ. ἦ που βαρέωσ οἶμαι τὸν Αἰσχύλον φέρειν. ἔβλεψε γοῦν ταυρηδὸν ἐγκύψασ κάτω. κρινεῖ δὲ δὴ τίσ ταῦτα; τοῦτ’ ἦν δύσκολον· σοφῶν γὰρ ἀνδρῶν ἀπορίαν ηὑρισκέτην. οὔτε γὰρ Ἀθηναίοισι συνέβαιν’ Αἰσχύλοσ ‐ πολλοὺσ ἴσωσ ἐνόμιζε τοὺσ τοιχωρύχουσ. λῆρόν τε τἄλλ’ ἡγεῖτο τοῦ γνῶναι πέρι φύσεισ ποιητῶν· εἶτα τῷ σῷ δεσπότῃ ἐπέτρεψαν, ὁτιὴ τῆσ τέχνησ ἔμπειροσ ἦν. ἀλλ’ εἰσίωμεν· ὡσ ὅταν γ’ οἱ δεσπόται ἐσπουδάκωσι, κλαύμαθ’ ἡμῖν γίγνεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Frogs, Episode

(아리스토파네스, Frogs, Episode)

상위

목록

SEARCH

MENU NAVIGATION