헬라어 문장 검색 - ΑριστοπήΦρογσ́04́02́0́

(아리스토파네스, Frogs, Parabasis, epirrheme)

τὸν ἱερὸν χορὸν δίκαιόν ἐστι χρηστὰ τῇ πόλει ξυμπαραινεῖν καὶ διδάσκειν. πρῶτον οὖν ἡμῖν δοκεῖ ἐξισῶσαι τοὺσ πολίτασ κἀφελεῖν τὰ δείματα, κεἴ τισ ἥμαρτε σφαλείσ τι Φρυνίχου παλαίσμασιν, ἐγγενέσθαι φημὶ χρῆναι τοῖσ ὀλισθοῦσιν τότε αἰτίαν ἐκθεῖσι λῦσαι τὰσ πρότερον ἁμαρτίασ. εἶτ’ ἄτιμόν φημι χρῆναι μηδέν’ εἶν’ ἐν τῇ πόλει· καὶ γὰρ αἰσχρόν ἐστι τοὺσ μὲν ναυμαχήσαντασ μίαν καὶ Πλαταιᾶσ εὐθὺσ εἶναι κἀντὶ δούλων δεσπότασ. κοὐδὲ ταῦτ’ ἔγωγ’ ἔχοιμ’ ἂν μὴ οὐ καλῶσ φάσκειν ἔχειν, ἀλλ’ ἐπαινῶ· μόνα γὰρ αὐτὰ νοῦν ἔχοντ’ ἐδράσατε. πρὸσ δὲ τούτοισ εἰκὸσ ὑμᾶσ, οἳ μεθ’ ὑμῶν πολλὰ δὴ χοἰ πατέρεσ ἐναυμάχησαν καὶ προσήκουσιν γένει, τὴν μίαν ταύτην παρεῖναι ξυμφορὰν αἰτουμένοισ. ἀλλὰ τῆσ ὀργῆσ ἀνέντεσ ὦ σοφώτατοι φύσει πάντασ ἀνθρώπουσ ἑκόντεσ συγγενεῖσ κτησώμεθα κἀπιτίμουσ καὶ πολίτασ, ὅστισ ἂν ξυνναυμαχῇ. εἰ δὲ ταῦτ’ ὀγκωσόμεσθα κἀποσεμνυνούμεθα, τὴν πόλιν καὶ ταῦτ’ ἔχοντεσ κυμάτων ἐν ἀγκάλαισ, ὑστέρῳ χρόνῳ ποτ’ αὖθισ εὖ φρονεῖν οὐ δόξομεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Frogs, Parabasis, epirrheme

(아리스토파네스, Frogs, Parabasis, epirrheme)

상위

목록

SEARCH

MENU NAVIGATION