Aristophanes, Frogs, Lyric-Scene, iambics

(아리스토파네스, Frogs, Lyric-Scene, iambics)

Πλαθάνη Πλαθάνη δεῦρ’ ἔλθ’, ὁ πανοῦργοσ οὑτοσί, ὃσ ἐσ τὸ πανδοκεῖον εἰσελθών ποτε ἑκκαίδεκ’ ἄρτουσ κατέφαγ’ ἡμῶν. νὴ Δία ἐκεῖνοσ αὐτὸσ δῆτα. κακὸν ἥκει τινί. καὶ κρέα γε πρὸσ τούτοισιν ἀνάβραστ’ εἴκοσιν ἀν’ ἡμιωβολιαῖα. δώσει τισ δίκην. καὶ τὰ σκόροδα τὰ πολλά. ληρεῖσ ὦ γύναι κοὐκ οἶσθ’ ὅ τι λέγεισ. οὐ μὲν οὖν με προσεδόκασ, ὁτιὴ κοθόρνουσ εἶχεσ, ἂν γνῶναί σ’ ἔτι; τί δαί; τὸ πολὺ τάριχοσ οὐκ εἴρηκά πω. μὰ Δί’ οὐδὲ τὸν τυρόν γε τὸν χλωρὸν τάλαν, ὃν οὗτοσ αὐτοῖσ τοῖσ ταλάροισ κατήσθιεν κἄπειτ’ ἐπειδὴ τἀργύριον ἐπραττόμην, ἔβλεψεν ἔσ με δριμὺ κἀμυκᾶτό γε. τούτου πάνυ τοὔργον· οὗτοσ ὁ τρόποσ πανταχοῦ. καὶ τὸ ξίφοσ γ’ ἐσπᾶτο μαίνεσθαι δοκῶν. νὴ Δία τάλαινα. νὼ δὲ δεισάσα γέ που ἐπὶ τὴν κατήλιφ’ εὐθὺσ ἀνεπηδήσαμεν· ὁ δ’ ᾤχετ’ ἐξᾴξασ γε τὰσ ψιάθουσ λαβών. καὶ τοῦτο τούτου τοὔργον. ἀλλ’ ἐχρῆν τι δρᾶν. ἴθι δὴ κάλεσον τὸν προστάτην Κλέωνά μοι. σὺ δ’ ἔμοιγ’ ἐάνπερ ἐπιτύχῃσ Ὑπέρβολον, ἵν’ αὐτὸν ἐπιτρίψωμεν. ὦ μιαρὰ φάρυξ, ὡσ ἡδέωσ ἄν σου λίθῳ τοὺσ γομφίουσ κόπτοιμ’ ἄν, οἷσ μου κατέφαγεσ τὰ φορτία. ἐγὼ δέ γ’ ἐσ τὸ βάραθρον ἐμβάλοιμί σε. ἐγὼ δὲ τὸν λάρυγγ’ ἂν ἐκτέμοιμί σου δρέπανον λαβοῦσ’, ᾧ τὰσ χόλικασ κατέσπασασ. ἀλλ’ εἶμ’ ἐπὶ τὸν Κλέων’, ὃσ αὐτοῦ τήμερον ἐκπηνιεῖται ταῦτα προσκαλούμενοσ. κάκιστ’ ἀπολοίμην, Ξανθίαν εἰ μὴ φιλῶ. οἶδ’ οἶδα τὸν νοῦν· παῦε παῦε τοῦ λόγου. οὐκ ἂν γενοίμην Ἡρακλῆσ ἄν. μηδαμῶσ ὦ Ξανθίδιον. καὶ πῶσ ἂν Ἀλκμήνησ ἐγὼ υἱὸσ γενοίμην δοῦλοσ ἅμα καὶ θνητὸσ ὤν; οἶδ’ οἶδ’ ὅτι θυμοῖ, καὶ δικαίωσ αὐτὸ δρᾷσ· κἂν εἴ με τύπτοισ, οὐκ ἂν ἀντείποιμί σοι. ἀλλ’ ἤν σε τοῦ λοιποῦ ποτ’ ἀφέλωμαι χρόνου, πρόρριζοσ αὐτόσ, ἡ γυνή, τὰ παιδία, κάκιστ’ ἀπολοίμην, κἀρχέδημοσ ὁ γλάμων. δέχομαι τὸν ὁρ́κον κἀπὶ τούτοισ λαμβάνω.

일치하는 문장이 없습니다.

SEARCH

MENU NAVIGATION