헬라어 문장 검색 - ΑριστοπήΦρογσ́03́00́1́

(아리스토파네스, Frogs, Lyric-Scene 1:)

ὦ φίλταθ’ ἥκεισ Ἡράκλεισ; δεῦρ’ εἴσιθι. ἡ γὰρ θεόσ <σ’> ὡσ ἐπύθεθ’ ἥκοντ’, εὐθέωσ ἔπεττεν ἄρτουσ, ἧψε κατερεικτῶν χύτρασ ἔτνουσ δύ’ ἢ τρεῖσ, βοῦν ἀπηνθράκιζ’ ὅλον, πλακοῦντασ ὤπτα κολλάβουσ. ἀλλ’ εἴσιθι. κάλλιστ’, ἐπαινῶ. μὰ τὸν Ἀπόλλω οὐ μή σ’ ἐγὼ περιόψομἀπελθόντ’, ἐπεί τοι καὶ κρέα ἀνέβραττεν ὀρνίθεια, καὶ τραγήματα ἔφρυγε, κᾦνον ἀνεκεράννυ γλυκύτατον. ἀλλ’ εἴσιθ’ ἅμ’ ἐμοί. πάνυ καλῶσ. ληρεῖσ ἔχων οὐ γάρ σ’ ἀφήσω. καὶ γὰρ αὐλητρίσ γέ σοι ἥδ’ ἔνδον ἔσθ’ ὡραιοτάτη κὠρχηστρίδεσ ἕτεραι δύ’ ἢ τρεῖσ. πῶσ λέγεισ; ὀρχηστρίδεσ; ἡβυλλιῶσαι κἄρτι παρατετιλμέναι. ἀλλ’ εἴσιθ’, ὡσ ὁ μάγειροσ ἤδη τὰ τεμάχη ἔμελλ’ ἀφαιρεῖν χἠ τράπεζ’ εἰσῄρετο. ἴθι νυν φράσον πρώτιστα ταῖσ ὀρχηστρίσιν ταῖσ ἔνδον οὔσαισ αὐτὸσ ὅτι εἰσέρχομαι. ὁ παῖσ ἀκολούθει δεῦρο τὰ σκεύη φέρων. ἐπίσχεσ οὗτοσ. οὔ τί που σπουδὴν ποιεῖ, ὁτιή σε παίζων Ἡρακλέα ’νεσκεύασα; οὐ μὴ φλυαρήσεισ ἔχων ὦ Ξανθία, ἀλλ’ ἀράμενοσ οἴσεισ πάλιν τὰ στρώματα. τί δ’ ἔστιν; οὔ τι πού μ’ ἀφελέσθαι διανοεῖ ἅδωκασ αὐτόσ; οὐ τάχ’, ἀλλ’ ἤδη ποιῶ. κατάθου τὸ δέρμα. ταῦτ’ ἐγὼ μαρτύρομαι καὶ τοῖσ θεοῖσιν ἐπιτρέπω. ποίοισ θεοῖσ; τὸ δὲ προσδοκῆσαί σ’ οὐκ ἀνόητον καὶ κενὸν ὡσ δοῦλοσ ὢν καὶ θνητὸσ Ἀλκμήνησ ἔσει; ἀμέλει καλῶσ· ἔχ’ αὔτ’. ἴσωσ γάρ τοί ποτε ἐμοῦ δεηθείησ ἄν, εἰ θεὸσ θέλοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Frogs, Lyric-Scene 1:

(아리스토파네스, Frogs, Lyric-Scene 1:)

상위

목록

SEARCH

MENU NAVIGATION