Aristophanes, Frogs, Prologue 6:

(아리스토파네스, Frogs, Prologue 6:)

νὴ τοὺσ θεοὺσ ἐχρῆν γε πρὸσ τούτοισι κεἰ τὴν πυρρίχην τισ ἔμαθε τὴν Κινησίου. ἐντεῦθεν αὐλῶν τίσ σε περίεισιν πνοή, ὄψει τε φῶσ κάλλιστον ὥσπερ ἐνθάδε, καὶ μυρρινῶνασ καὶ θιάσουσ εὐδαίμονασ ἀνδρῶν γυναικῶν καὶ κρότον χειρῶν πολύν. οὗτοι δὲ δὴ τίνεσ εἰσίν; οἱ μεμυημένοι ‐ νὴ τὸν Δί’ ἐγὼ γοῦν ὄνοσ ἄγω μυστήρια. ἀτὰρ οὐ καθέξω ταῦτα τὸν πλείω χρόνον. οἵ σοι φράσουσ’ ἁπαξάπανθ’ ὧν ἂν δέῃ. οὗτοι γὰρ ἐγγύτατα παρ’ αὐτὴν τὴν ὁδὸν ἐπὶ ταῖσι τοῦ Πλούτωνοσ οἰκοῦσιν θύραισ. καὶ χαῖρε πόλλ’ ὦδελφέ. νὴ Δία καὶ σύ γε ὑγίαινε. σὺ δὲ τὰ στρώματ’ αὖθισ λάμβανε. πρὶν καὶ καταθέσθαι; καὶ ταχέωσ μέντοι πάνυ. μὴ δῆθ’, ἱκετεύω σ’, ἀλλὰ μίσθωσαί τινα τῶν ἐκφερομένων, ὅστισ ἐπὶ τοῦτ’ ἔρχεται. ἐὰν δὲ μὴ εὑρ́ω; τότε μ’ ἄγειν. καλῶσ λέγεισ. καὶ γάρ τιν’ ἐκφέρουσι τουτονὶ νεκρόν, οὗτοσ, σὲ λέγω μέντοι, σὲ τὸν τεθνηκότα· ἄνθρωπε βούλει σκευάρι’ εἰσ Αἵδου φέρειν; πόσ’ ἄττα; ταυτί. δύο δραχμὰσ μισθὸν τελεῖσ; μὰ Δί’ ἀλλ’ ἔλαττον. ὑπάγεθ’ ὑμεῖσ τῆσ ὁδοῦ. ἀνάμεινον ὦ δαιμόνι’, ἐὰν ξυμβῶ τί σοι. εἰ μὴ καταθήσεισ δύο δραχμάσ, μὴ διαλέγου. λάβ’ ἐννέ’ ὀβολούσ. ἀναβιοίην νυν πάλιν. ὡσ σεμνὸσ ὁ κατάρατοσ· οὐκ οἰμώξεται; ἐγὼ βαδιοῦμαι. χρηστὸσ εἶ καὶ γεννάδασ. χωρῶμεν ἐπὶ τὸ πλοῖον. ὠὸπ παραβαλοῦ. τουτὶ τί ἔστι; τοῦτο; λίμνη νὴ Δία αὕτη ’στὶν ἣν ἔφραζε, καὶ πλοῖόν γ’ ὁρῶ. νὴ τὸν Ποσειδῶ κἄστι γ’ ὁ Χάρων οὑτοσί. χαῖρ’ ὦ Χάρων, χαῖρ’ ὦ Χάρων, χαῖρ’ ὦ Χάρων.

상위

Frogs

목록

일치하는 문장이 없습니다.

SEARCH

MENU NAVIGATION