Aristophanes, Frogs, Prologue 5:

(아리스토파네스, Frogs, Prologue 5:)

ὦ σχέτλιε τολμήσεισ γὰρ ἰέναι καὶ σύ γε; μηδὲν ἔτι πρὸσ ταῦτ’, ἀλλὰ φράζε τῶν ὁδῶν ὅπῃ τάχιστ’ ἀφιζόμεθ’ εἰσ Αἵδου κάτω· καὶ μήτε θερμὴν μήτ’ ἄγαν ψυχρὰν φράσῃσ. φέρε δὴ τίν’ αὐτῶν σοι φράσω πρώτην; τίνα; μία μὲν γὰρ ἔστιν ἀπὸ κάλω καὶ θρανίου, κρεμάσαντι σαυτόν. παῦε, πνιγηρὰν λέγεισ. ἀλλ’ ἔστιν ἀτραπὸσ ξύντομοσ τετριμμένη ἡ διὰ θυείασ. ἆρα κώνειον λέγεισ; μάλιστά γε. ψυχράν γε καὶ δυσχείμερον· εὐθὺσ γὰρ ἀποπήγνυσι τἀντικνήμια. βούλει κατάντη καὶ ταχεῖαν σοι φράσω; νὴ τὸν Δί’ ὡσ ὄντοσ γε μὴ βαδιστικοῦ. καθέρπυσόν νυν ἐσ Κεραμεικόν. κᾆτα τί; ἀναβὰσ ἐπὶ τὸν πύργον τὸν ὑψηλόν ‐ τί δρῶ; ἀφιεμένην τὴν λαμπάδ’ ἐντεῦθεν θεῶ, κἄπειτ’ ἐπειδὰν θῶσιν οἱ θεώμενοι εἷναι, τόθ’ εἷναι καὶ σὺ σαυτόν. ποῖ κάτω. ἀλλ’ ἀπολέσαιμ’ ἂν ἐγκεφάλου θρίω δύο. οὐκ ἂν βαδίσαιμι τὴν ὁδὸν ταύτην. τί δαί; ἥνπερ σὺ τότε κατῆλθεσ. ἀλλ’ ὁ πλοῦσ πολύσ. εὐθὺσ γὰρ ἐπὶ λίμνην μεγάλην ἥξεισ πάνυ ἄβυσσον. εἶτα πῶσ περαιωθήσομαι; ἐν πλοιαρίῳ τυννουτῳί σ’ ἀνὴρ γέρων ναύτησ διάξει δύ’ ὀβολὼ μισθὸν λαβών. φεῦ, ὡσ μέγα δύνασθον πανταχοῦ τὼ δύ’ ὀβολώ. πῶσ ἠλθέτην κἀκεῖσε; Θησεὺσ ἤγαγεν. μετὰ ταῦτ’ ὄφεισ καὶ θηρί’ ὄψει μυρία δεινότατα. μή μ’ ἔκπληττε μηδὲ δειμάτου· οὐ γάρ μ’ ἀποτρέψεισ. εἶτα βόρβορον πολὺν καὶ σκῶρ ἀείνων· ἐν δὲ τούτῳ κειμένουσ, εἴ που ξένον τισ ἠδίκησε πώποτε, ἢ παῖδα κινῶν τἀργύριον ὑφείλετο, ἢ μητέρ’ ἠλόασεν, ἢ πατρὸσ γνάθον ἐπάταξεν, ἢ ’πίορκον ὁρ́κον ὤμοσεν, ἢ Μορσίμου τισ ῥῆσιν ἐξεγράψατο.

상위

Frogs

목록

일치하는 문장이 없습니다.

SEARCH

MENU NAVIGATION