Aristophanes, Ecclesiazusae, Agon, epirrheme 2:

(아리스토파네스, Ecclesiazusae, Agon, epirrheme 2:)

πῶσ οὖν οὕτω ζώντων ἡμῶν τοὺσ αὑτοῦ παῖδασ ἕκαστοσ ἔσται δυνατὸσ διαγιγνώσκειν; τί δὲ δεῖ; πατέρασ <γὰρ> ἅπαντασ τοὺσ πρεσβυτέρουσ αὑτῶν εἶναι τοῖσι χρόνοισιν νομιοῦσιν. οὐκοῦν ἄγξουσ’ εὖ καὶ χρηστῶσ ἑξῆσ τὸν πάντα γέροντα διὰ τὴν ἄγνοιαν, ἐπεὶ καὶ νῦν γιγνώσκοντεσ πατέρ’ ὄντα ἄγχουσι. τί δῆθ’ ὅταν ἀγνὼσ ᾖ; πῶσ οὐ τότε κἀπιχεσοῦνται; ἀλλ’ ὁ παρεστὼσ οὐκ ἐπιτρέψει· τότε δ’ αὐτοῖσ οὐκ ἔμελ’ οὐδὲν τῶν ἀλλοτρίων ὅστισ τύπτοι· νῦν δ’ ἢν πληγέντοσ ἀκούσῃ, μὴ αὐτὸν ἐκεῖνον τύπτῃ δεδιὼσ τοῖσ δρῶσιν τοῦτο μαχεῖται. τὰ μὲν ἄλλα λέγεισ οὐδὲν σκαιῶσ· εἰ δὲ προσελθὼν Ἐπίκουροσ ἢ Λευκολόφασ πάππαν με καλεῖ, τοῦτ’ ἤδη δεινὸν ἀκοῦσαι. πολὺ μέντοι δεινότερον τούτου τοῦ πράγματόσ ἐστι, τὸ ποῖον; εἴ σε φιλήσειεν Ἀρίστυλλοσ φάσκων αὑτοῦ πατέρ’ εἶναι. οἰμώζοι γ’ ἂν καὶ κωκύοι. σὺ δέ γ’ ὄζοισ ἂν καλαμίνθησ, ἀλλ’ οὗτοσ μὲν πρότερον γέγονεν πρὶν τὸ ψήφισμα γενέσθαι, ὥστ’ οὐχὶ δέοσ μή σε φιλήσῃ. δεινὸν μέντἂν ἐπεπόνθη. τὴν γῆν δὲ τίσ ἔσθ’ ὁ γεωργήσων; οἱ δοῦλοι. σοὶ δὲ μελήσει, ὅταν ᾖ δεκάπουν τὸ στοιχεῖον, λιπαρὸν χωρεῖν ἐπὶ δεῖπνον. περὶ δ’ ἱματίων τίσ πόροσ ἔσται; καὶ γὰρ τοῦτ’ ἔστιν ἐρέσθαι. τὰ μὲν ὄνθ’ ὑμῖν πρῶτον ὑπάρξει, τὰ δὲ λοίφ’ ἡμεῖσ ὑφανοῦμεν. ἓν ἔτι ζητῶ· πῶσ ἤν τισ ὄφλῃ παρὰ τοῖσ ἄρχουσι δίκην τῳ, πόθεν ἐκτείσει ταύτην; οὐ γὰρ τῶν κοινῶν γ’ ἐστὶ δίκαιον. ἀλλ’ οὐδὲ δίκαι πρῶτον ἔσονται. τουτὶ τοὔποσ σ’ ἐπιτρίψει. κἀγὼ ταύτην γνώμην ἐθέμην· τοῦ γὰρ τάλαν οὕνεκ’ ἔσονται; πολλῶν οὕνεκα νὴ τὸν Ἀπόλλω· πρῶτον δ’ ἑνὸσ οὕνεκα δήπου, ἤν τισ ὀφείλων ἐξαρνῆται. πόθεν οὖν ἐδάνεισ’ ὁ δανείσασ ἐν τῷ κοινῷ πάντων ὄντων; κλέπτων δήπου’ στ’ ἐπίδηλοσ. νὴ τὴν Δήμητρ’ εὖ γε διδάσκεισ. τουτὶ τοίνυν φρασάτω μοι, τῆσ αἰκείασ οἱ τύπτοντεσ πόθεν ἐκτείσουσιν, ἐπειδὰν εὐωχηθέντεσ ὑβρίζωσιν; τοῦτο γὰρ οἶμαί σ’ ἀπορήσειν. ἀπὸ τῆσ μάζησ ἧσ σιτεῖται· ταύτησ γὰρ ὅταν τισ ἀφαιρῇ, οὐχ ὑβριεῖται φαύλωσ οὕτωσ αὖθισ τῇ γαστρὶ κολασθείσ.

일치하는 문장이 없습니다.

SEARCH

MENU NAVIGATION