Aristophanes, Ecclesiazusae, Agon, epirrheme 1:

(아리스토파네스, Ecclesiazusae, Agon, epirrheme 1:)

ἀλλ’ οὐδέν τοι χρήσιμον ἔσται πάντωσ αὐτῷ. κατὰ δὴ τί; οὐδεὶσ οὐδὲν πενίᾳ δράσει· πάντα γὰρ ἕξουσιν ἅπαντεσ, ἄρτουσ τεμάχη μάζασ χλαίνασ οἶνον στεφάνουσ ἐρεβίνθουσ. ὥστε τί κέρδοσ μὴ καταθεῖναι; σὺ γὰρ ἐξευρὼν ἀπόδειξον. οὔκουν καὶ νῦν οὗτοι μᾶλλον κλέπτουσ’ οἷσ ταῦτα πάρεστιν; πρότερόν γ’ ὦταῖρ’ ὅτε τοῖσι νόμοισ διεχρώμεθα τοῖσ προτέροισιν· νῦν δ’ ἔσται γὰρ βίοσ ἐκ κοινοῦ, τί τὸ κέρδοσ μὴ καταθεῖναι; ἢν μείρακ’ ἰδὼν ἐπιθυμήσῃ καὶ βούληται σκαλαθῦραι, ἕξει τούτων ἀφελὼν δοῦναι, τῶν ἐκ κοινοῦ δὲ μεθέξει ξυγκαταδαρθών. ἀλλ’ ἐξέσται προῖκ’ αὐτῷ ξυγκαταδαρθεῖν. καὶ ταύτασ γὰρ κοινὰσ ποιῶ τοῖσ ἀνδράσι συγκατακεῖσθαι καὶ παιδοποιεῖν τῷ βουλομένῳ. πῶσ οὖν οὐ πάντεσ ἰάσιν ἐπὶ τὴν ὡραιοτάτην αὐτῶν καὶ ζητήσουσιν ἐρείδειν; αἱ φαυλότεραι καὶ σιμότεραι παρὰ τὰσ σεμνὰσ καθεδοῦνται· κᾆτ’ ἢν ταύτησ ἐπιθυμήσῃ, τὴν αἰσχρὰν πρῶθ’ ὑποκρούσει. καὶ πῶσ ἡμᾶσ τοὺσ πρεσβύτασ, ἢν ταῖσ αἰσχραῖσι συνῶμεν, οὐκ ἐπιλείψει τὸ πέοσ πρότερον πρὶν ἐκεῖσ’ οἷ φῂσ ἀφικέσθαι; οὐχὶ μαχοῦνται· περὶ σοῦ θάρρει· μὴ δείσῃσ· οὐχὶ μαχοῦνται. περὶ τοῦ; τοῦ μὴ ξυγκαταδαρθεῖν. καὶ σοὶ τοιοῦτον ὑπάρχει. τὸ μὲν ὑμέτερον γνώμην τιν’ ἔχει· προβεβούλευται γάρ, ὅπωσ ἂν μηδεμιᾶσ ᾖ τρύπημα κενόν· τὸ δὲ τῶν ἀνδρῶν τί ποιήσει; φεύξονται γὰρ τοὺσ αἰσχίουσ, ἐπὶ τοὺσ δὲ καλοὺσ βαδιοῦνται. ἀλλὰ φυλάξουσ’ οἱ φαυλότεροι τοὺσ καλλίουσ ἀπιόντασ ἀπὸ τοῦ δείπνου καὶ τηρήσουσ’ ἐπὶ τοῖσιν δημοσίοισιν· κοὐκ ἐξέσται παρὰ τοῖσι καλοῖσ <καὶ τοῖσ μεγάλοισ> καταδαρθεῖν ταῖσι γυναιξὶ πρὶν <ἂν> τοῖσ αἰσχροῖσ καὶ τοῖσ μικροῖσ χαρίσωνται. ἡ Λυσικράτουσ ἄρα νυνὶ ῥὶσ ἴσα τοῖσι καλοῖσι φρονήσει. νὴ τὸν Ἀπόλλω καὶ δημοτική γ’ ἡ γνώμη καὶ καταχήνη τῶν σεμνοτέρων ἔσται πολλὴ καὶ τῶν σφραγῖδασ ἐχόντων, ὅταν ἐμβάδ’ ἔχων εἴπῃ πρότεροσ, παραχώρει κᾆτ’ ἐπιτήρει, ὅταν ἤδη ’γὼ διαπραξάμενοσ παραδῶ σοι δευτεριάζειν.

일치하는 문장이 없습니다.

SEARCH

MENU NAVIGATION