헬라어 문장 검색 - ΑριστοπήΕξξλεσί06́03́0́

(아리스토파네스, Ecclesiazusae, Agon, epirrheme)

καὶ μὴν ὅτι μὲν χρηστὰ διδάξω πιστεύω· τοὺσ δὲ θεατάσ, εἰ καινοτομεῖν ἐθελήσουσιν καὶ μὴ τοῖσ ἠθάσι λίαν τοῖσ τ’ ἀρχαίοισ ἐνδιατρίβειν, τοῦτ’ ἔσθ’ ὃ μάλιστα δέδοικα. περὶ μὲν τοίνυν τοῦ καινοτομεῖν μὴ δείσῃσ· τοῦτο γὰρ ἡμῖν δρᾶν ἀντ’ ἄλλησ ἀρχῆσ ἐστιν, τῶν δ’ ἀρχαίων ἀμελῆσαι. μή νυν πρότερον μηδεὶσ ὑμῶν ἀντείπῃ μηδ’ ὑποκρούσῃ, πρὶν ἐπίστασθαι τὴν ἐπίνοιαν καὶ τοῦ φράζοντοσ ἀκοῦσαι. κοινωνεῖν γὰρ πάντασ φήσω χρῆναι πάντων μετέχοντασ κἀκ ταὐτοῦ ζῆν, καὶ μὴ τὸν μὲν πλουτεῖν, τὸν δ’ ἄθλιον εἶναι, μηδὲ γεωργεῖν τὸν μὲν πολλήν, τῷ δ’ εἶναι μηδὲ ταφῆναι, μηδ’ ἀνδραπόδοισ τὸν μὲν χρῆσθαι πολλοῖσ, τὸν δ’ οὐδ’ ἀκολούθῳ· ἀλλ’ ἕνα ποιῶ κοινὸν πᾶσιν βίοτον καὶ τοῦτον ὅμοιον. πῶσ οὖν ἔσται κοινὸσ ἅπασιν; κατέδει πέλεθον πρότερόσ μου. καὶ τῶν πελέθων κοινωνοῦμεν; μὰ Δί’ ἀλλ’ ἔφθησ μ’ ὑποκρούσασ. τοῦτο γὰρ ἤμελλον ἐγὼ λέξειν· τὴν γῆν πρώτιστα ποιήσω κοινὴν πάντων καὶ τἀργύριον καὶ τἄλλ’ ὁπόσ’ ἐστὶν ἑκάστῳ. εἶτ’ ἀπὸ τούτων κοινῶν ὄντων ἡμεῖσ βοσκήσομεν ὑμᾶσ ταμιευόμεναι καὶ φειδόμεναι καὶ τὴν γνώμην προσέχουσαι. πῶσ οὖν ὅστισ μὴ κέκτηται γῆν ἡμῶν, ἀργύριον δὲ καὶ Δαρεικοὺσ ἀφανῆ πλοῦτον; τοῦτ’ ἐσ τὸ μέσον καταθήσει. καὶ μὴ καταθεὶσ ψευδορκήσει. κἀκτήσατο γὰρ διὰ τοῦτο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Ecclesiazusae, Agon, epirrheme

(아리스토파네스, Ecclesiazusae, Agon, epirrheme)

상위

목록

SEARCH

MENU NAVIGATION