Aristophanes, Ecclesiazusae, Agon, strophe

νῦν δὴ δεῖ σε πυκνὴν φρένα καὶ φιλόσοφον ἐγείρειν φροντίδ’ ἐπισταμένην ταῖσι φίλαισιν ἀμύνειν. καινὴ γὰρ ἐπ’ εὐτυχίαισιν ἔρχεται γλώττησ ἐπίνοια πολίτην δῆμον ἐπαγλαϊοῦσα μυρίαισιν ὠφελίαισι βίου· δηλοῦν δ’ ὅ τί περ δύνασαι καιρόσ. δεῖται γάρ τοι σοφοῦ τινοσ ἐξευρήματοσ ἡ πόλισ ἡμῶν. ἀλλὰ πέραινε μόνον μήτε δεδραμένα μήτ’ εἰρημένα πω πρότερον· μισοῦσι γὰρ ἢν τὰ παλαιὰ πολλάκισ θεῶνται.