헬라어 문장 검색 - ΑριστοπήΕξξλεσί05́02́

(아리스토파네스, Ecclesiazusae, Choral, iambics)

αὕτη πόθεν ἥκεισ Πραξαγόρα; τί δ’ ὦ μέλε σοὶ τοῦθ’; ὅ τί μοι τοῦτ’ ἔστιν; ὡσ εὐηθικῶσ. οὔτοι παρὰ τοῦ μοιχοῦ γε φήσεισ. οὐκ ἴσωσ ἑνόσ γε. καὶ μὴν βασανίσαι τουτί γέ σοι ἔξεστι. πῶσ; εἰ τῆσ κεφαλῆσ ὄζω μύρου. τί δ’; οὐχὶ βινεῖται γυνὴ κἄνευ μύρου; οὐ δῆτα τάλαν ἔγωγε. πῶσ οὖν ὄρθριον ᾤχου σιωπῇ θοἰμάτιον λαβοῦσά μου; γυνή μέ τισ νύκτωρ ἑταίρα καὶ φίλη μετεπέμψατ’ ὠδίνουσα. κᾆτ’ οὐκ ἦν ἐμοὶ φράσασαν ἰέναι; τῆσ λεχοῦσ δ’ οὐ φροντίσαι οὕτωσ ἐχούσησ ὦνερ; εἰποῦσάν γέ μοι. ἀλλ’ ἔστιν ἐνταῦθά τι κακόν. μὰ τὼ θεὼ ἀλλ’ ὥσπερ εἶχον ᾠχόμην· ἐδεῖτο δὲ ἥπερ μεθῆκέ μ’ ἐξιέναι πάσῃ τέχνῃ. εἶτ’ οὐ τὸ σαυτῆσ ἱμάτιον ἐχρῆν σ’ ἔχειν; ἀλλ’ ἔμ’ ἀποδύσασ’ ἐπιβαλοῦσα τοὔγκυκλον ᾤχου καταλιποῦσ’ ὡσπερεὶ προκείμενον, μόνον οὐ στεφανώσασ’ οὐδ’ ἐπιθεῖσα λήκυθον. ψῦχοσ γὰρ ἦν, ἐγὼ δὲ λεπτὴ κἀσθενήσ· ἔπειθ’ ἵν’ ἀλεαίνοιμι, τοῦτ’ ἠμπεσχόμην· σὲ δ’ ἐν ἀλέᾳ κατακείμενον καὶ στρώμασιν κατέλιπον ὦνερ. αἱ δὲ δὴ Λακωνικαὶ ᾤχοντο μετὰ σοῦ κατὰ τί χἠ βακτηρία; ἵνα θοἰμάτιον σώσαιμι, μεθυπεδησάμην μιμουμένη σε καὶ κτυποῦσα τοῖν ποδοῖν καὶ τοὺσ λίθουσ παίουσα τῇ βακτηρίᾳ. οἶσθ’ οὖν ἀπολωλεκυῖα πυρῶν ἑκτέα, ὃν χρῆν ἔμ’ ἐξ ἐκκλησίασ εἰληφέναι; μὴ φροντίσῃσ· ἄρρεν γὰρ ἔτεκε παιδίον. ἡκκλησία; μὰ Δί’ ἀλλ’ ἐφ’ ἣν ἐγᾠχόμην. ἀτὰρ γεγένηται; ναὶ μὰ Δί’. οὐκ ᾔδησθά με φράσαντά σοι χθέσ; ἄρτι γ’ ἀναμιμνῄσκομαι. οὐδ’ ἄρα τὰ δόξαντ’ οἶσθα; μὰ Δί ἐγὼ μὲν οὔ. κάθησο τοίνυν σηπίασ μασωμένη. ὑμῖν δέ φασι παραδεδόσθαι τὴν πόλιν. τί δρᾶν; ὑφαίνειν; οὐ μὰ Δί’ ἀλλ’ ἄρχειν. τίνων; ἁπαξαπάντων τῶν κατὰ πόλιν πραγμάτων. νὴ τὴν Ἀφροδίτην μακαρία γ’ ἄρ ἡ πόλισ ἔσται τὸ λοιπόν. κατὰ τί; πολλῶν οὕνεκα. οὐ γὰρ ἔτι τοῖσ τολμῶσιν αὐτὴν αἰσχρὰ δρᾶν ἔσται τὸ λοιπόν, οὐδαμοῦ δὲ μαρτυρεῖν, οὐ συκοφαντεῖν ‐ μηδαμῶσ πρὸσ τῶν θεῶν τουτὶ ποιήσῃσ μηδ’ ἀφέλῃ μου τὸν βίον. ὦ δαιμόνι’ ἀνδρῶν τὴν γυναῖκ’ ἐά λέγειν. μὴ λωποδυτῆσαι, μὴ φθονεῖν τοῖσ πλησίον, μὴ γυμνὸν εἶναι μὴ πένητα μηδένα, μὴ λοιδορεῖσθαι, μὴ ’νεχυραζόμενον φέρειν. νὴ τὸν Ποσειδῶ μεγάλα γ’, εἰ μὴ ψεύσεται. ἀλλ’ ἀποφανῶ τοῦθ’, ὥστε σέ τέ μοι μαρτυρεῖν καὶ τοῦτον αὐτὸν μηδὲν ἀντειπεῖν ἐμοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Ecclesiazusae, Choral, iambics

(아리스토파네스, Ecclesiazusae, Choral, iambics)

상위

목록

SEARCH

MENU NAVIGATION