Aristophanes, Clouds, Agon, antepirrheme

(아리스토파네스, Clouds, Agon, antepirrheme)

ὡσ ἡδὺ καινοῖσ πράγμασιν καὶ δεξιοῖσ ὁμιλεῖν, καὶ τῶν καθεστώτων νόμων ὑπερφρονεῖν δύνασθαι. ἐγὼ γὰρ ὅτε μὲν ἱππικῇ τὸν νοῦν μόνῃ προσεῖχον, οὐδ’ ἂν τρί’ εἰπεῖν ῥήμαθ’ οἱο͂́σ τ’ ἦν πρὶν ἐξαμαρτεῖν· νυνὶ δ’ ἐπειδή μ’ οὑτοσὶ τούτων ἔπαυσεν αὐτόσ, γνώμαισ δὲ λεπταῖσ καὶ λόγοισ ξύνειμι καὶ μερίμναισ, οἶμαι διδάξειν ὡσ δίκαιον τὸν πατέρα κολάζειν. ἵππευε τοίνυν νὴ Δί’, ὡσ ἔμοιγε κρεῖττόν ἐστιν ἵππων τρέφειν τέθριππον ἢ τυπτόμενον ἐπιτριβῆναι. ἐκεῖσε δ’ ὅθεν ἀπέσχισάσ με τοῦ λόγου μέτειμι, καὶ πρῶτ’ ἐρήσομαί σε τουτί· παῖδά μ’ ὄντ’ ἔτυπτεσ; ἔγωγέ σ’ εὐνοῶν τε καὶ κηδόμενοσ. εἰπὲ δή μοι, οὐ κἀμέ σοι δίκαιόν ἐστιν εὐνοεῖν ὁμοίωσ τύπτειν τ’, ἐπειδήπερ γε τοῦτ’ ἐστ’ εὐνοεῖν τὸ τύπτειν; πῶσ γὰρ τὸ μὲν σὸν σῶμα χρὴ πληγῶν ἀθῷον εἶναι, τοὐμὸν δὲ μή; καὶ μὴν ἔφυν ἐλεύθερόσ γε κἀγώ. κλάουσι παῖδεσ, πατέρα δ’ οὐ κλάειν δοκεῖσ; . . . φήσεισ νομίζεσθαι σὺ παιδὸσ τοῦτο τοὔργον εἶναι· ἐγὼ δέ γ’ ἀντείποιμ’ ἂν ὡσ δὶσ παῖδεσ οἱ γέροντεσ· εἰκὸσ δὲ μᾶλλον τοὺσ γέροντασ ἢ νέουσ τι κλάειν, ὅσῳπερ ἐξαμαρτάνειν ἧττον δίκαιον αὐτούσ. ἀλλ’ οὐδαμοῦ νομίζεται τὸν πατέρα τοῦτο πάσχειν. οὔκουν ἀνὴρ ὁ τὸν νόμον θεὶσ τοῦτον ἦν τὸ πρῶτον ὥσπερ σὺ κἀγώ, καὶ λέγων ἔπειθε τοὺσ παλαιούσ; ἧττόν τι δῆτ’ ἔξεστι κἀμοὶ καινὸν αὖ τὸ λοιπὸν θεῖναι νόμον τοῖσ υἱέσιν, τοὺσ πατέρασ ἀντιτύπτειν; ὅσασ δὲ πληγὰσ εἴχομεν πρὶν τὸν νόμον τεθῆναι, ἀφίεμεν, καὶ δίδομεν αὐτοῖσ προῖκα συγκεκόφθαι. σκέψαι δὲ τοὺσ ἀλεκτρυόνασ καὶ τἄλλα τὰ βοτὰ ταυτί, ὡσ τοὺσ πατέρασ ἀμύνεται· καίτοι τί διαφέρουσιν ἡμῶν ἐκεῖνοι, πλήν γ’ ὅτι ψηφίσματ’ οὐ γράφουσιν; τί δῆτ’, ἐπειδὴ τοὺσ ἀλεκτρυόνασ ἅπαντα μιμεῖ, οὐκ ἐσθίεισ καὶ τὴν κόπρον κἀπὶ ξύλου καθεύδεισ; οὐ ταὐτὸν ὦ τᾶν ἐστίν, οὐδ’ ἂν Σωκράτει δοκοίη. πρὸσ ταῦτα μὴ τύπτ’· εἰ δὲ μή, σαυτόν ποτ’ αἰτιάσει. καὶ πῶσ; ἐπεὶ σὲ μὲν δίκαιόσ εἰμ’ ἐγὼ κολάζειν, σὺ δ’, ἢν γένηταί σοι, τὸν υἱόν. ἢν δὲ μὴ γένηται, μάτην ἐμοὶ κεκλαύσεται, σὺ δ’ ἐγχανὼν τεθνήξεισ.

일치하는 문장이 없습니다.

SEARCH

MENU NAVIGATION