헬라어 문장 검색 - ΑριστοπήΞλουδσ́05́6́0́

(아리스토파네스, Clouds, Parabasis, antepirrheme)

ἡνίχ’ ἡμεῖσ δεῦρ’ ἀφορμᾶσθαι παρεσκευάσμεθα, ἡ σελήνη συντυχοῦσ’ ἡμῖν ἐπέστειλεν φράσαι, πρῶτα μὲν χαίρειν Ἀθηναίοισι καὶ τοῖσ ξυμμάχοισ· μᾶλλον γὰρ οὕτωσ εἴσεται κατὰ σελήνην ὡσ ἄγειν χρὴ τοῦ βίου τὰσ ἡμέρασ. εἶτα θυμαίνειν ἔφασκε· δεινὰ γὰρ πεπονθέναι ὠφελοῦσ’ ὑμᾶσ ἅπαντασ οὐ λόγοισ ἀλλ’ ἐμφανῶσ. πρῶτα μὲν τοῦ μηνὸσ ἐσ δᾷδ’ οὐκ ἔλαττον ἢ δραχμήν, ὥστε καὶ λέγειν ἅπαντασ ἐξιόντασ ἑσπέρασ, μὴ πρίῃ παῖ δᾷδ’, ἐπειδὴ φῶσ σεληναίασ καλόν. ἄλλα τ’ εὖ δρᾶν φησιν, ὑμᾶσ δ’ οὐκ ἄγειν τὰσ ἡμέρασ οὐδὲν ὀρθῶσ, ἀλλ’ ἄνω τε καὶ κάτω κυδοιδοπᾶν· ὥστ’ ἀπειλεῖν φησιν αὐτῇ τοὺσ θεοὺσ ἑκάστοτε ἡνίκ’ ἂν ψευσθῶσι δείπνου κἀπίωσιν οἴκαδε, τῆσ ἑορτῆσ μὴ τυχόντεσ κατὰ λόγον τῶν ἡμερῶν. κᾆθ’ ὅταν θύειν δέῃ, στρεβλοῦτε καὶ δικάζετε· πολλάκισ δ’ ἡμῶν ἀγόντων τῶν θεῶν ἀπαστίαν, ἡνίκ’ ἂν πενθῶμεν ἢ τὸν Μέμνον’ ἢ Σαρπηδόνα, σπένδεθ’ ὑμεῖσ καὶ γελᾶτ’· ἀνθ’ ὧν λαχὼν Ὑπέρβολοσ τῆτεσ ἱερομνημονεῖν, κἄπειθ’ ὑφ’ ἡμῶν τῶν θεῶν τὸν στέφανον ἀφῃρέθη·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Clouds, Parabasis, antepirrheme

(아리스토파네스, Clouds, Parabasis, antepirrheme)

상위

목록

SEARCH

MENU NAVIGATION