Aristophanes, Clouds, Parabasis, parabasis

(아리스토파네스, Clouds, Parabasis, parabasis)

ὦ θεώμενοι κατερῶ πρὸσ ὑμᾶσ ἐλευθέρωσ τἀληθῆ νὴ τὸν Διόνυσον τὸν ἐκθρέψαντά με. οὕτω νικήσαιμί τ’ ἐγὼ καὶ νομιζοίμην σοφόσ, ὡσ ὑμᾶσ ἡγούμενοσ εἶναι θεατὰσ δεξιοὺσ καὶ ταύτην σοφώτατ’ ἔχειν τῶν ἐμῶν κωμῳδιῶν, πρώτουσ ἠξίωσ’ ἀναγεῦσ’ ὑμᾶσ, ἣ παρέσχε μοι ἔργον πλεῖστον· εἶτ’ ἀνεχώρουν ὑπ’ ἀνδρῶν φορτικῶν ἡττηθεὶσ οὐκ ἄξιοσ ὤν· ταῦτ’ οὖν ὑμῖν μέμφομαι τοῖσ σοφοῖσ, ὧν οὕνεκ’ ἐγὼ ταῦτ’ ἐπραγματευόμην. ἀλλ’ οὐδ’ ὣσ ὑμῶν ποθ’ ἑκὼν προδώσω τοὺσ δεξιούσ. ἐξ ὅτου γὰρ ἐνθάδ’ ὑπ’ ἀνδρῶν, οἷσ ἡδὺ καὶ λέγειν, ὁ σώφρων τε χὠ καταπύγων ἄριστ’ ἠκουσάτην, κἀγώ, παρθένοσ γὰρ ἔτ’ ἦν, κοὐκ ἐξῆν πώ μοι τεκεῖν, ἐξέθηκα, παῖσ δ’ ἑτέρα τισ λαβοῦσ’ ἀνείλετο, ὑμεῖσ δ’ ἐξεθρέψατε γενναίωσ κἀπαιδεύσατε· ἐκ τούτου μοι πιστὰ παρ’ ὑμῖν γνώμησ ἔσθ’ ὁρ́κια. νῦν οὖν Ἠλέκτραν κατ’ ἐκείνην ἥδ’ ἡ κωμῳδία ζητοῦσ’ ἦλθ’, ἤν που ’πιτύχῃ θεαταῖσ οὕτω σοφοῖσ· γνώσεται γάρ, ἤνπερ ἴδῃ, τἀδελφοῦ τὸν βόστρυχον. ὡσ δὲ σώφρων ἐστὶ φύσει σκέψασθ’· ἥτισ πρῶτα μὲν οὐδὲν ἦλθε ῥαψαμένη σκυτίον καθειμένον ἐρυθρὸν ἐξ ἄκρου παχύ, τοῖσ παιδίοισ ἵν’ ᾖ γέλωσ· οὐδ’ ἔσκωψε τοὺσ φαλακρούσ, οὐδὲ κόρδαχ’ εἵλκυσεν, οὐδὲ πρεσβύτησ ὁ λέγων τἄπη τῇ βακτηρίᾳ τύπτει τὸν παρόντ’ ἀφανίζων πονηρὰ σκώμματα, οὐδ’ εἰσῇξε δᾷδασ ἔχουσ’, οὐδ’ ἰοὺ ἰοὺ βοᾷ, ἀλλ’ αὑτῇ καὶ τοῖσ ἔπεσιν πιστεύουσ’ ἐλήλυθεν. κἀγὼ μὲν τοιοῦτοσ ἀνὴρ ὢν ποιητὴσ οὐ κομῶ, οὐδ’ ὑμᾶσ ζητῶ ’ξαπατᾶν δὶσ καὶ τρὶσ ταὔτ’ εἰσάγων, ἀλλ’ ἀεὶ καινὰσ ἰδέασ ἐσφέρων σοφίζομαι, οὐδὲν ἀλλήλαισιν ὁμοίασ καὶ πάσασ δεξιάσ· ὃσ μέγιστον ὄντα Κλέων’ ἔπαισ’ ἐσ τὴν γαστέρα, κοὐκ ἐτόλμησ’ αὖθισ ἐπεμπηδῆσ’ αὐτῷ κειμένῳ. οὗτοι δ’, ὡσ ἅπαξ παρέδωκεν λαβὴν Ὑπέρβολοσ, τοῦτον δείλαιον κολετρῶσ’ ἀεὶ καὶ τὴν μητέρα. Εὔπολισ μὲν τὸν Μαρικᾶν πρώτιστον παρείλκυσεν ἐκστρέψασ τοὺσ ἡμετέρουσ Ἱππέασ κακὸσ κακῶσ, προσθεὶσ αὐτῷ γραῦν μεθύσην τοῦ κόρδακοσ οὕνεχ’, ἣν Φρύνιχοσ πάλαι πεποίηχ’, ἣν τὸ κῆτοσ ἤσθιεν. εἶθ’ Ἕρμιπποσ αὖθισ ἐποίησεν εἰσ Ὑπέρβολον, ἄλλοι τ’ ἤδη πάντεσ ἐρείδουσιν εἰσ Ὑπέρβολον, τὰσ εἰκοὺσ τῶν ἐγχέλεων τὰσ ἐμὰσ μιμούμενοι. ὅστισ οὖν τούτοισι γελᾷ, τοῖσ ἐμοῖσ μὴ χαιρέτω· ἢν δ’ ἐμοὶ καὶ τοῖσιν ἐμοῖσ εὐφραίνησθ’ εὑρήμασιν, ἐσ τὰσ ὡρ́ασ τὰσ ἑτέρασ εὖ φρονεῖν δοκήσετε.

일치하는 문장이 없습니다.

SEARCH

MENU NAVIGATION