헬라어 문장 검색 - ΑριστοπήΞλουδσ́05́2́

(아리스토파네스, Clouds, Parabasis, parabasis)

ὦ θεώμενοι κατερῶ πρὸσ ὑμᾶσ ἐλευθέρωσ τἀληθῆ νὴ τὸν Διόνυσον τὸν ἐκθρέψαντά με. οὕτω νικήσαιμί τ’ ἐγὼ καὶ νομιζοίμην σοφόσ, ὡσ ὑμᾶσ ἡγούμενοσ εἶναι θεατὰσ δεξιοὺσ καὶ ταύτην σοφώτατ’ ἔχειν τῶν ἐμῶν κωμῳδιῶν, πρώτουσ ἠξίωσ’ ἀναγεῦσ’ ὑμᾶσ, ἣ παρέσχε μοι ἔργον πλεῖστον· εἶτ’ ἀνεχώρουν ὑπ’ ἀνδρῶν φορτικῶν ἡττηθεὶσ οὐκ ἄξιοσ ὤν· ταῦτ’ οὖν ὑμῖν μέμφομαι τοῖσ σοφοῖσ, ὧν οὕνεκ’ ἐγὼ ταῦτ’ ἐπραγματευόμην. ἀλλ’ οὐδ’ ὣσ ὑμῶν ποθ’ ἑκὼν προδώσω τοὺσ δεξιούσ. ἐξ ὅτου γὰρ ἐνθάδ’ ὑπ’ ἀνδρῶν, οἷσ ἡδὺ καὶ λέγειν, ὁ σώφρων τε χὠ καταπύγων ἄριστ’ ἠκουσάτην, κἀγώ, παρθένοσ γὰρ ἔτ’ ἦν, κοὐκ ἐξῆν πώ μοι τεκεῖν, ἐξέθηκα, παῖσ δ’ ἑτέρα τισ λαβοῦσ’ ἀνείλετο, ὑμεῖσ δ’ ἐξεθρέψατε γενναίωσ κἀπαιδεύσατε· ἐκ τούτου μοι πιστὰ παρ’ ὑμῖν γνώμησ ἔσθ’ ὁρ́κια. νῦν οὖν Ἠλέκτραν κατ’ ἐκείνην ἥδ’ ἡ κωμῳδία ζητοῦσ’ ἦλθ’, ἤν που ’πιτύχῃ θεαταῖσ οὕτω σοφοῖσ· γνώσεται γάρ, ἤνπερ ἴδῃ, τἀδελφοῦ τὸν βόστρυχον. ὡσ δὲ σώφρων ἐστὶ φύσει σκέψασθ’· ἥτισ πρῶτα μὲν οὐδὲν ἦλθε ῥαψαμένη σκυτίον καθειμένον ἐρυθρὸν ἐξ ἄκρου παχύ, τοῖσ παιδίοισ ἵν’ ᾖ γέλωσ· οὐδ’ ἔσκωψε τοὺσ φαλακρούσ, οὐδὲ κόρδαχ’ εἵλκυσεν, οὐδὲ πρεσβύτησ ὁ λέγων τἄπη τῇ βακτηρίᾳ τύπτει τὸν παρόντ’ ἀφανίζων πονηρὰ σκώμματα, οὐδ’ εἰσῇξε δᾷδασ ἔχουσ’, οὐδ’ ἰοὺ ἰοὺ βοᾷ, ἀλλ’ αὑτῇ καὶ τοῖσ ἔπεσιν πιστεύουσ’ ἐλήλυθεν. κἀγὼ μὲν τοιοῦτοσ ἀνὴρ ὢν ποιητὴσ οὐ κομῶ, οὐδ’ ὑμᾶσ ζητῶ ’ξαπατᾶν δὶσ καὶ τρὶσ ταὔτ’ εἰσάγων, ἀλλ’ ἀεὶ καινὰσ ἰδέασ ἐσφέρων σοφίζομαι, οὐδὲν ἀλλήλαισιν ὁμοίασ καὶ πάσασ δεξιάσ· ὃσ μέγιστον ὄντα Κλέων’ ἔπαισ’ ἐσ τὴν γαστέρα, κοὐκ ἐτόλμησ’ αὖθισ ἐπεμπηδῆσ’ αὐτῷ κειμένῳ. οὗτοι δ’, ὡσ ἅπαξ παρέδωκεν λαβὴν Ὑπέρβολοσ, τοῦτον δείλαιον κολετρῶσ’ ἀεὶ καὶ τὴν μητέρα. Εὔπολισ μὲν τὸν Μαρικᾶν πρώτιστον παρείλκυσεν ἐκστρέψασ τοὺσ ἡμετέρουσ Ἱππέασ κακὸσ κακῶσ, προσθεὶσ αὐτῷ γραῦν μεθύσην τοῦ κόρδακοσ οὕνεχ’, ἣν Φρύνιχοσ πάλαι πεποίηχ’, ἣν τὸ κῆτοσ ἤσθιεν. εἶθ’ Ἕρμιπποσ αὖθισ ἐποίησεν εἰσ Ὑπέρβολον, ἄλλοι τ’ ἤδη πάντεσ ἐρείδουσιν εἰσ Ὑπέρβολον, τὰσ εἰκοὺσ τῶν ἐγχέλεων τὰσ ἐμὰσ μιμούμενοι. ὅστισ οὖν τούτοισι γελᾷ, τοῖσ ἐμοῖσ μὴ χαιρέτω· ἢν δ’ ἐμοὶ καὶ τοῖσιν ἐμοῖσ εὐφραίνησθ’ εὑρήμασιν, ἐσ τὰσ ὡρ́ασ τὰσ ἑτέρασ εὖ φρονεῖν δοκήσετε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Clouds, Parabasis, parabasis

(아리스토파네스, Clouds, Parabasis, parabasis)

상위

목록

SEARCH

MENU NAVIGATION