헬라어 문장 검색 - ΑριστοπήΞλουδσ́03́1́

(아리스토파네스, Clouds, Choral, anapests)

χαίρετε τοίνυν ὦ δέσποιναι· καὶ νῦν, εἴπερ τινὶ κἄλλῳ, οὐρανομήκη ῥήξατε κἀμοὶ φωνήν, ὦ παμβασίλειαι. χαῖρ’ ὦ πρεσβῦτα παλαιογενὲσ θηρατὰ λόγων φιλομούσων, σύ τε λεπτοτάτων λήρων ἱερεῦ, φράζε πρὸσ ἡμᾶσ ὅ τι χρῄζεισ· οὐ γὰρ ἂν ἄλλῳ γ’ ὑπακούσαιμεν τῶν νῦν μετεωροσοφιστῶν πλὴν ἢ Προδίκῳ, τῷ μὲν σοφίασ καὶ γνώμησ οὕνεκα, σοὶ δέ, ὅτι βρενθύει τ’ ἐν ταῖσιν ὁδοῖσ καὶ τὠφθαλμὼ παραβάλλεισ, κἀνυπόδητοσ κακὰ πόλλ’ ἀνέχει κἀφ’ ἡμῖν σεμνοπροσωπεῖσ. ὦ γῆ τοῦ φθέγματοσ, ὡσ ἱερὸν καὶ σεμνὸν καὶ τερατῶδεσ. αὗται γάρ τοι μόναι εἰσὶ θεαί, τἄλλα δὲ πάντ’ ἐστὶ φλύαροσ. ὁ Ζεὺσ δ’ ἡμῖν, φέρε πρὸσ τῆσ γῆσ, οὑλύμπιοσ οὐ θεόσ ἐστιν; ποῖοσ Ζεύσ; οὐ μὴ ληρήσεισ· οὐδ’ ἔστι Ζεύσ. τί λέγεισ σύ; ἀλλὰ τίσ ὑεί; τουτὶ γὰρ ἔμοιγ’ ἀπόφηναι πρῶτον ἁπάντων. αὗται δήπου· μεγάλοισ δέ σ’ ἐγὼ σημείοισ αὐτὸ διδάξω. φέρε ποῦ γὰρ πώποτ’ ἄνευ Νεφελῶν ὑόντ’ ἤδη τεθέασαι; καίτοι χρῆν αἰθρίασ ὑείν αὐτόν, ταύτασ δ’ ἀποδημεῖν. νὴ τὸν Ἀπόλλω τοῦτό γέ τοι δὴ τῷ νῦν λόγῳ εὖ προσέφυσασ· καίτοι πρότερον τὸν Δί’ ἀληθῶσ ᾤμην διὰ κοσκίνου οὐρεῖν. ἀλλ’ ὅστισ ὁ βροντῶν ἐστι φράσον· τοῦτό με ποιεῖ τετρεμαίνειν. αὗται βροντῶσι κυλινδόμεναι. τῷ τρόπῳ ὦ πάντα σὺ τολμῶν; ὅταν ἐμπλησθῶσ’ ὕδατοσ πολλοῦ κἀναγκασθῶσι φέρεσθαι, κατακρημνάμεναι πλήρεισ ὄμβρου δι’ ἀνάγκην, εἶτα βαρεῖαι εἰσ ἀλλήλασ ἐμπίπτουσαι ῥήγνυνται καὶ παταγοῦσιν. ὁ δ’ ἀναγκάζων ἐστὶ τίσ αὐτάσ, οὐχ ὁ Ζεύσ, ὥστε φέρεσθαι; ἥκιστ’ ἀλλ’ αἰθέριοσ Δῖνοσ. Δῖνοσ; τουτί μ’ ἐλελήθειν, ὁ Ζεὺσ οὐκ ὤν, ἀλλ’ ἀντ’ αὐτοῦ Δῖνοσ νυνὶ βασιλεύων. ἀτὰρ οὐδέν πω περὶ τοῦ πατάγου καὶ τῆσ βροντῆσ μ’ ἐδίδαξασ. οὐκ ἤκουσάσ μου τὰσ Νεφέλασ ὕδατοσ μεστὰσ ὅτι φημὶ ἐμπιπτούσασ εἰσ ἀλλήλασ παταγεῖν διὰ τὴν πυκνότητα; φέρε τουτὶ τῷ χρὴ πιστεύειν; ἀπὸ σαυτοῦ ’γώ σε διδάξω. ἤδη ζωμοῦ Παναθηναίοισ ἐμπλησθεὶσ εἶτ’ ἐταράχθησ τὴν γαστέρα, καὶ κλόνοσ ἐξαίφνησ αὐτὴν διεκορκορύγησεν; νὴ τὸν Ἀπόλλω καὶ δεινὰ ποιεῖ γ’ εὐθύσ μοι, καὶ τετάρακται χὤσπερ βροντὴ τὸ ζωμίδιον παταγεῖ καὶ δεινὰ κέκραγεν· ἀτρέμασ πρῶτον παππὰξ παππάξ, κἄπειτ’ ἐπάγει παπαπαππάξ, χὤταν χέζω, κομιδῇ βροντᾷ παπαπαππὰξ ὥσπερ ἐκεῖναι. σκέψαι τοίνυν ἀπὸ γαστριδίου τυννουτουὶ οἱᾶ πέπορδασ· τὸν δ’ Αἔρα τόνδ’ ὄντ’ ἀπέραντον πῶσ οὐκ εἰκὸσ μέγα βροντᾶν; ταῦτ’ ἄρα καὶ τὠνόματ’ ἀλλήλοιν βροντὴ καὶ πορδὴ ὁμοίω. ἀλλ’ ὁ κεραυνὸσ πόθεν αὖ φέρεται λάμπων πυρί, τοῦτο δίδαξον, καὶ καταφρύγει βάλλων ἡμᾶσ, τοὺσ δὲ ζῶντασ περιφλύει; τοῦτον γὰρ δὴ φανερῶσ ὁ Ζεὺσ ἱήσ’ ἐπὶ τοὺσ ἐπιόρκουσ. καὶ πῶσ ὦ μῶρε σὺ καὶ Κρονίων ὄζων καὶ βεκκεσέληνε, εἴπερ βάλλει τοὺσ ἐπιόρκουσ, δῆτ’ οὐχὶ Σίμων’ ἐνέπρησεν οὐδὲ Κλεώνυμον οὐδὲ Θέωρον; καίτοι σφόδρα γ’ εἴσ’ ἐπίορκοι· ἀλλὰ τὸν αὑτοῦ γε νεὼν βάλλει καὶ Σούνιον ἄκρον Ἀθηνέων καὶ τὰσ δρῦσ τὰσ μεγάλασ· τί μαθών; οὐ γὰρ δὴ δρῦσ γ’ ἐπιορκεῖ. οὐκ οἶδ’· ἀτὰρ εὖ σὺ λέγειν φαίνει. τί γάρ ἐστιν δῆθ’ ὁ κεραυνόσ; ὅταν ἐσ ταύτασ ἄνεμοσ ξηρὸσ μετεωρισθεὶσ κατακλῃσθῇ, ἔνδοθεν αὐτὰσ ὥσπερ κύστιν φυσᾷ, κἄπειθ’ ὑπ’ ἀνάγκησ ῥήξασ αὐτὰσ ἔξω φέρεται σοβαρὸσ διὰ τὴν πυκνότητα, ὑπὸ τοῦ ῥοίβδου καὶ τῆσ ῥύμησ αὐτὸσ ἑαυτὸν κατακάων. νὴ Δί’ ἐγὼ γοῦν ἀτεχνῶσ ἔπαθον τουτί ποτε Διασίοισιν ὀπτῶν γαστέρα τοῖσ συγγενέσιν, κᾆτ’ οὐκ ἔσχων ἀμελήσασ· ἡ δ’ ἄρ’ ἐφυσᾶτ’, εἶτ’ ἐξαίφνησ διαλακήσασα πρὸσ αὐτὼ τὠφθαλμώ μου προσετίλησεν καὶ κατέκαυσεν τὸ πρόσωπον. ὦ τῆσ μεγάλησ ἐπιθυμήσασ σοφίασ ἄνθρωπε παρ’ ἡμῶν, ὡσ εὐδαίμων ἐν Ἀθηναίοισ καὶ τοῖσ Ἕλλησι γενήσει, εἰ μνήμων εἶ καὶ φροντιστὴσ καὶ τὸ ταλαίπωρον ἔνεστιν ἐν τῇ ψυχῇ, καὶ μὴ κάμνεισ μήθ’ ἑστὼσ μήτε βαδίζων, μήτε ῥιγῶν ἄχθει λίαν μήτ’ ἀριστᾶν ἐπιθυμεῖσ, οἴνου τ’ ἀπέχει καὶ γυμνασίων καὶ τῶν ἄλλων ἀνοήτων, καὶ βέλτιστον τοῦτο νομίζεισ, ὅπερ εἰκὸσ δεξιὸν ἄνδρα, νικᾶν πράττων καὶ βουλεύων καὶ τῇ γλώττῃ πολεμίζων. ἀλλ’ οὕνεκά γε ψυχῆσ στερρᾶσ δυσκολοκοίτου τε μερίμνησ καὶ φειδωλοῦ καὶ τρυσιβίου γαστρὸσ καὶ θυμβρεπιδείπνου, ἀμέλει θαρρῶν οὕνεκα τούτων ἐπιχαλκεύειν παρέχοιμ’ ἄν. ἄλλο τι δῆτ’ οὖν νομιεῖσ ἤδη θεὸν οὐδένα πλὴν ἅπερ ἡμεῖσ, τὸ Χάοσ τουτὶ καὶ τὰσ Νεφέλασ καὶ τὴν γλῶτταν, τρία ταυτί; οὐδ’ ἂν διαλεχθείην γ’ ἀτεχνῶσ τοῖσ ἄλλοισ οὐδ’ ἂν ἀπαντῶν· οὐδ’ ἂν θύσαιμ’, οὐδ’ ἂν σπείσαιμ’, οὐδ’ ἐπιθείην λιβανωτόν. λέγε νυν ἡμῖν ὅ τι σοι δρῶμεν θαρρῶν, ὡσ οὐκ ἀτυχήσεισ ἡμᾶσ τιμῶν καὶ θαυμάζων καὶ ζητῶν δεξιὸσ εἶναι. ὦ δέσποιναι δέομαι τοίνυν ὑμῶν τουτὶ πάνυ μικρόν, τῶν Ἑλλήνων εἶναί με λέγειν ἑκατὸν σταδίοισιν ἄριστον. ἀλλ’ ἔσται σοι τοῦτο παρ’ ἡμῶν· ὥστε τὸ λοιπόν γ’ ἀπὸ τουδὶ ἐν τῷ δήμῳ γνώμασ οὐδεὶσ νικήσει πλείονασ ἢ σύ. μὴ ’μοί γε λέγειν γνώμασ μεγάλασ· οὐ γὰρ τούτων ἐπιθυμῶ, ἀλλ’ ὅσ’ ἐμαυτῷ στρεψοδικῆσαι καὶ τοὺσ χρήστασ διολισθεῖν. τεύξει τοίνυν ὧν ἱμείρεισ· οὐ γὰρ μεγάλων ἐπιθυμεῖσ. ἀλλὰ σεαυτὸν θαρρῶν παράδοσ τοῖσ ἡμετέροισ προπόλοισιν. δράσω ταῦθ’ ὑμῖν πιστεύσασ·

ἡ γὰρ ἀνάγκη με πιέζει διὰ τοὺσ ἵππουσ τοὺσ κοππατίασ καὶ τὸν γάμον ὅσ μ’ ἐπέτριψεν. νῦν οὖν ἀτεχνῶσ ὅ τι βούλονται τουτὶ τοὐμὸν σῶμ’ αὐτοῖσιν παρέχω, τύπτειν πεινῆν διψῆν αὐχμεῖν ῥιγῶν ἀσκὸν δείρειν, εἴπερ τὰ χρέα διαφευξοῦμαι, τοῖσ τ’ ἀνθρώποισ εἶναι δόξω θρασὺσ εὔγλωττοσ τολμηρὸσ ἴτησ βδελυρὸσ ψευδῶν συγκολλητὴσ εὑρησιεπὴσ περίτριμμα δικῶν κύρβισ κρόταλον κίναδοσ τρύμη μάσθλησ εἴρων γλοιὸσ ἀλαζὼν κέντρων μιαρὸσ στρόφισ ἀργαλέοσ ματιολοιχόσ· ταῦτ’ εἴ με καλοῦσ’ ἁπαντῶντεσ, δρώντων ἀτεχνῶσ ὅ τι χρῄζουσιν, κεἰ βούλονται νὴ τὴν Δήμητρ’ ἔκ μου χορδὴν τοῖσ φροντισταῖσ παραθέντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Clouds, Choral, anapests

(아리스토파네스, Clouds, Choral, anapests)

상위

목록

SEARCH

MENU NAVIGATION