Aristophanes, Clouds, Parodos, anapests

(아리스토파네스, Clouds, Parodos, anapests)

πρὸσ τοῦ Διὸσ ἀντιβολῶ σε φράσον, τίνεσ εἴσ’ ὦ Σώκρατεσ αὗται αἱ φθεγξάμεναι τοῦτο τὸ σεμνόν; μῶν ἡρῷναί τινέσ εἰσιν; ἥκιστ’ ἀλλ’ οὐράνιαι Νεφέλαι μεγάλαι θεαὶ ἀνδράσιν ἀργοῖσ· αἵπερ γνώμην καὶ διάλεξιν καὶ νοῦν ἡμῖν παρέχουσιν καὶ τερατείαν καὶ περίλεξιν καὶ κροῦσιν καὶ κατάληψιν. ταῦτ’ ἄρ’ ἀκούσασ’ αὐτῶν τὸ φθέγμ’ ἡ ψυχή μου πεπότηται, καὶ λεπτολογεῖν ἤδη ζητεῖ καὶ περὶ καπνοῦ στενολεσχεῖν, καὶ γνωμιδίῳ γνώμην νύξασ’ ἑτέρῳ λόγῳ ἀντιλογῆσαι· ὥστ’ εἴ πωσ ἔστιν ἰδεῖν αὐτὰσ ἤδη φανερῶσ ἐπιθυμῶ. βλέπε νυν δευρὶ πρὸσ τὴν Πάρνηθ’· ἤδη γὰρ ὁρῶ κατιούσασ ἡσυχῇ αὐτάσ. φέρε ποῦ; δεῖξον. χωροῦσ’ αὗται πάνυ πολλαὶ διὰ τῶν κοίλων καὶ τῶν δασέων, αὗται πλάγιαι. τί τὸ χρῆμα; ὡσ οὐ καθορῶ. παρὰ τὴν εἴσοδον. ἤδη νυνὶ μόλισ οὕτωσ. νῦν γέ τοι ἤδη καθορᾷσ αὐτάσ, εἰ μὴ λημᾷσ κολοκύνταισ. νὴ Δί’ ἔγωγ’, ὦ πολυτίμητοι· πάντα γὰρ ἤδη κατέχουσιν. ταύτασ μέντοι σὺ θεὰσ οὔσασ οὐκ ᾔδησθ’ οὐδ’ ἐνόμιζεσ; μὰ Δί’ ἀλλ’ ὁμίχλην καὶ δρόσον αὐτὰσ ἡγούμην καὶ καπνὸν εἶναι. οὐ γὰρ μὰ Δί’ οἶσθ’ ὁτιὴ πλείστουσ αὗται βόσκουσι σοφιστάσ, Θουριομάντεισ ἰατροτέχνασ σφραγιδονυχαργοκομήτασ, κυκλίων τε χορῶν ᾀσματοκάμπτασ ἄνδρασ μετεωροφένακασ, οὐδὲν δρῶντασ βόσκουσ’ ἀργούσ, ὅτι ταύτασ μουσοποιοῦσιν. ταῦτ’ ἄρ’ ἐποίουν ὑγρᾶν Νεφελᾶν στρεπταιγλᾶν δάιον ὁρμάν, πλοκάμουσ θ’ ἑκατογκεφάλα Τυφῶ πρημαινούσασ τε θυέλλασ, εἶτ’ ἀερίασ διεράσ, γαμψοὺσ οἰωνοὺσ ἀερονηχεῖσ, ὄμβρουσ θ’ ὑδάτων δροσερᾶν Νεφελᾶν· εἶτ’ ἀντ’ αὐτῶν κατέπινον κεστρᾶν τεμάχη μεγαλᾶν ἀγαθᾶν κρέα τ’ ὀρνίθεια κιχηλᾶν. διὰ μέντοι τάσδ’ οὐχὶ δικαίωσ; λέξον δή μοι, τί παθοῦσαι, εἴπερ νεφέλαι γ’ εἰσὶν ἀληθῶσ, θνηταῖσ εἴξασι γυναιξίν; οὐ γὰρ ἐκεῖναί γ’ εἰσὶ τοιαῦται. φέρε ποῖαι γάρ τινέσ εἰσιν; οὐκ οἶδα σαφῶσ· εἴξασιν γοῦν ἐρίοισιν πεπταμένοισιν, κοὐχὶ γυναιξὶν μὰ Δί’ οὐδ’ ὁτιοῦν· αὗται δὲ ῥῖνασ ἔχουσιν. ἀπόκριναί νυν ἅττ’ ἂν ἔρωμαι. λέγε νυν ταχέωσ ὅ τι βούλει. ἤδη ποτ’ ἀναβλέψασ εἶδεσ νεφέλην κενταύρῳ ὁμοίαν, ἢ παρδάλει ἢ λύκῳ ἢ ταύρῳ; νὴ Δί’ ἔγωγ’. εἶτα τί τοῦτο; γίγνονται πάνθ’ ὅ τι βούλονται· κᾆτ’ ἢν μὲν ἴδωσι κομήτην ἄγριόν τινα τῶν λασίων τούτων, οἱο͂́νπερ τὸν Ξενοφάντου, σκώπτουσαι τὴν μανίαν αὐτοῦ κενταύροισ ᾔκασαν αὑτάσ. τί γὰρ ἢν ἁρ́παγα τῶν δημοσίων κατίδωσι Σίμωνα, τί δρῶσιν; ἀποφαίνουσαι τὴν φύσιν αὐτοῦ λύκοι ἐξαίφνησ ἐγένοντο. ταῦτ’ ἄρα ταῦτα Κλεώνυμον αὗται τὸν ῥίψασπιν χθὲσ ἰδοῦσαι, ὅτι δειλότατον τοῦτον ἑώρων, ἔλαφοι διὰ τοῦτ’ ἐγένοντο. καὶ νῦν γ’ ὅτι Κλεισθένη εἶδον, ὁρᾷσ, διὰ τοῦτ’ ἐγένοντο γυναῖκεσ.

일치하는 문장이 없습니다.

SEARCH

MENU NAVIGATION