Aristophanes, Birds, Lyric-Scene, antistrophe 1

(아리스토파네스, Birds, Lyric-Scene, antistrophe 1)

ἀποκεκλῄκαμεν διογενεῖσ θεοὺσ μηκέτι τὴν ἐμὴν διαπερᾶν πόλιν, μηδέ <γέ> τιν’ ἱερόθυτον ἀνὰ δάπεδον ἔτι τῇδε βροτῶν θεοῖσι πέμπειν καπνόν. δεινόν γε τὸν κήρυκα τὸν παρὰ τοὺσ βροτοὺσ οἰχόμενον, εἰ μηδέποτε νοστήσει πάλιν. ὦ Πισθέταιρ’ ὦ μακάρι’ ὦ σοφώτατε, ὦ κλεινότατ’ ὦ σοφώτατ’ ὦ γλαφυρώτατε, ὦ τρισμακάρι’ ὦ κατακέλευσον. τί σὺ λέγεισ; στεφάνῳ σε χρυσῷ τῷδε σοφίασ οὕνεκα στεφανοῦσι καὶ τιμῶσιν οἱ πάντεσ λεῴ. δέχομαι. τί δ’ οὕτωσ οἱ λεῲ τιμῶσί με; ὦ κλεινοτάτην αἰθέριον οἰκίσασ πόλιν, οὐκ οἷσθ’ ὅσην τιμὴν παρ’ ἀνθρώποισ φέρει, ὅσουσ τ’ ἐραστὰσ τῆσδε τῆσ χώρασ ἔχεισ. πρὶν μὲν γὰρ οἰκίσαι σε τήνδε τὴν πόλιν, ἐλακωνομάνουν ἅπαντεσ ἄνθρωποι τότε, ἐκόμων ἐπείνων ἐρρύπων ἐσωκράτουν σκυτάλι’ ἐφόρουν, νυνὶ δ’ ὑποστρέψαντεσ αὖ ὀρνιθομανοῦσι, πάντα δ’ ὑπὸ τῆσ ἡδονῆσ ποιοῦσιν ἅπερ ὄρνιθεσ ἐκμιμούμενοι· πρῶτον μὲν εὐθὺσ πάντεσ ἐξ εὐνῆσ ἅμα ἐπέτονθ’ ἑώθεν ὥσπερ ἡμεῖσ ἐπὶ νομόν· κἄπειτ’ ἂν ἅμα κατῆραν ἐσ τὰ βιβλία· εἶτ’ ἀπενέμοντ’ ἐνταῦθα τὰ ψηφίσματα. ὠρνιθομάνουν δ’ οὕτω περιφανῶσ ὥστε καὶ πολλοῖσιν ὀρνίθων ὀνόματ’ ἦν κείμενα. πέρδιξ μὲν εἷσ κάπηλοσ ὠνομάζετο χωλόσ, Μενίππῳ δ’ ἦν χελιδὼν τοὔνομα, Ὀπουντίῳ δ’ ὀφθαλμὸν οὐκ ἔχων κόραξ, κορυδὸσ Φιλοκλέει, χηναλώπηξ Θεογένει, ἶβισ Λυκούργῳ, Χαιρεφῶντι νυκτερίσ, Συρακοσίῳ δὲ κίττα· Μειδίασ δ’ ἐκεῖ ὄρτυξ ἐκαλεῖτο· καὶ γὰρ ᾔκειν ὄρτυγι ὑπὸ στυφοκόπου τὴν κεφαλὴν πεπληγμένῳ. ᾖδον δ’ ὑπὸ φιλορνιθίασ πάντεσ μέλη, ὅπου χελιδὼν ἦν τισ ἐμπεποιημένη ἢ πηνέλοψ ἢ χήν τισ ἢ περιστερὰ ἢ πτέρυγεσ, ἢ πτεροῦ τι καὶ σμικρὸν προσῆν. τοιαῦτα μὲν τἀκεῖθεν. ἓν δέ σοι λέγω· ἥξουσ’ ἐκεῖθεν δεῦρο πλεῖν ἢ μύριοι πτερῶν δεόμενοι καὶ τρόπων γαμψωνύχων· ὥστε πτερῶν σοι τοῖσ ἐποίκοισ δεῖ ποθέν. οὐκ ἆρα μὰ Δί’ ἡμῖν ἔτ’ ἔργον ἑστάναι. ἀλλ’ ὡσ τάχιστα σὺ μὲν ἰὼν τὰσ ἀρρίχουσ καὶ τοὺσ κοφίνουσ ἅπαντασ ἐμπίμπλη πτερῶν· Μανῆσ δὲ φερέτω μοι θύραζε τὰ πτερά· ἐγὼ δ’ ἐκείνων τοὺσ προσιόντασ δέξομαι.

상위

Birds

목록

일치하는 문장이 없습니다.

SEARCH

MENU NAVIGATION