Aristophanes, Birds, Parabasis, antepirrheme

(아리스토파네스, Birds, Parabasis, antepirrheme)

οὐδέν ἐστ’ ἄμεινον οὐδ’ ἥδιον ἢ φῦσαι πτερά. αὐτίχ’ ὑμῶν τῶν θεατῶν εἴ τισ ἧν ὑπόπτεροσ, εἶτα πεινῶν τοῖσ χοροῖσι τῶν τραγῳδῶν ἤχθετο, ἐκπτόμενοσ ἂν οὗτοσ ἠρίστησεν ἐλθὼν οἴκαδε, κᾆτ’ ἂν ἐμπλησθεὶσ ἐφ’ ἡμᾶσ αὖθισ αὖ κατέπτετο. εἴ τε Πατροκλείδησ τισ ὑμῶν τυγχάνει χεζητιῶν, οὐκ ἂν ἐξίδισεν ἐσ θοἰμάτιον, ἀλλ’ ἀνέπτετο, κἀποπαρδὼν κἀναπνεύσασ αὖθισ αὖ κατέπτετο· εἴ τε μοιχεύων τισ ὑμῶν ἐστιν ὅστισ τυγχάνει, κᾆθ’ ὁρᾷ τὸν ἄνδρα τῆσ γυναικὸσ ἐν βουλευτικῷ, οὗτοσ ἂν πάλιν παρ’ ὑμῶν πτερυγίσασ ἀνέπτετο, εἶτα βινήσασ ἐκεῖθεν αὖθισ αὖ κατέπτετο. ἆρ’ ὑπόπτερον γενέσθαι παντόσ ἐστιν ἄξιον; ὡσ Διειτρέφησ γε πυτιναῖα μόνον ἔχων πτερὰ ᾑρέθη φύλαρχοσ, εἶθ’ ἵππαρχοσ, εἶτ’ ἐξ οὐδενὸσ μεγάλα πράττει κἀστὶ νυνὶ ξουθὸσ ἱππαλεκτρυών.

일치하는 문장이 없습니다.

SEARCH

MENU NAVIGATION