Aristophanes, Birds, Parabasis, antistrophe

τοιάδε κύκνοι, τιὸ τιὸ τιὰ τιὸ τιὸ τιοτίγξ, συμμιγῆ βοὴν ὁμοῦ πτεροῖσ κρέκοντεσ ἰάκχον Ἀπόλλω, τιὸ τιὸ τιὸ τιοτίγξ, ὄχθῳ ἐφεζόμενοι παρ’ Ἕβρον ποταμόν, τιὸ τιὸ τιὸ τιοτίγξ, διὰ δ’ αἰθέριον νέφοσ ἦλθε βοά· πτῆξε δὲ φῦλά τε ποικίλα θηρῶν, κύματά τ’ ἔσβεσε νήνεμοσ αἴθρη, τοτοτοτοτοτοτοτοτοτίγξ· πᾶσ δ’ ἐπεκτύπησ’ Ὄλυμποσ· εἷλε δὲ θάμβοσ ἄνακτασ· Ὀλυμπιάδεσ δὲ μέλοσ Χάριτεσ Μοῦσαί τ’ ἐπωλόλυξαν. τιὸ τιὸ τιὸ τιοτίγξ.