Aristophanes, Birds, Parabasis, pnigos

ἢν οὖν ἡμᾶσ νομίσητε θεούσ, ἕξετε χρῆσθαι μάντεσι Μούσαισ αὔραισ ὡρ́αισ χειμῶνι θέρει μετρίῳ πνίγει· κοὐκ ἀποδράντεσ καθεδούμεθ’ ἄνω σεμνυνόμενοι παρὰ ταῖσ νεφέλαισ ὥσπερ χὠ Ζεύσ· ἀλλὰ παρόντεσ δώσομεν ὑμῖν αὐτοῖσ, παισίν, παίδων παισίν, πλουθυγιείαν εὐδαιμονίαν βίον εἰρήνην νεότητα γέλωτα χοροὺσ θαλίασ γάλα τ’ ὀρνίθων. ὥστε παρέσται κοπιᾶν ὑμῖν ὑπὸ τῶν ἀγαθῶν· οὕτω πλουτήσετε πάντεσ.