Aristophanes, Birds, Parabasis, parabasis

(아리스토파네스, Birds, Parabasis, parabasis)

ἄγε δὴ φύσιν ἄνδρεσ ἀμαυρόβιοι, φύλλων γενεᾷ προσόμοιοι, ὀλιγοδρανέεσ, πλάσματα πηλοῦ, σκιοειδέα φῦλ’ ἀμενηνά, ἀπτῆνεσ ἐφημέριοι ταλαοὶ βροτοὶ ἀνέρεσ εἰκελόνειροι, προσέχετε τὸν νοῦν τοῖσ ἀθανάτοισ ἡμῖν τοῖσ αἰὲν ἐοῦσιν, τοῖσ αἰθερίοισ τοῖσιν ἀγήρῳσ τοῖσ ἄφθιτα μηδομένοισιν, ἵν’ ἀκούσαντεσ πάντα παρ’ ἡμῶν ὀρθῶσ περὶ τῶν μετεώρων. φύσιν οἰωνῶν γένεσίν τε θεῶν ποταμῶν τ’ Ἐρέβουσ τε Χάουσ τε εἰδότεσ ὀρθῶσ, Προδίκῳ παρ’ ἐμοῦ κλάειν εἴπητε τὸ λοιπόν. Χάοσ ἦν καὶ Νὺξ Ἔρεβόσ τε μέλαν πρῶτον καὶ Τάρταροσ εὐρύσ, γῆ δ’ οὐδ’ ἀὴρ οὐδ’ οὐρανὸσ ἦν· Ἐρέβουσ δ’ ἐν ἀπείροσι κόλποισ τίκτει πρώτιστον ὑπηνέμιον Νὺξ ἡ μελανόπτεροσ ᾠόν, ἐξ οὖ περιτελλομέναισ ὡρ́αισ ἔβλαστεν Ἔρωσ ὁ ποθεινόσ, στίλβων νῶτον πτερύγοιν χρυσαῖν, εἰκὼσ ἀνεμώκεσι δίναισ. οὗτοσ δὲ Χάει πτερόεντι μιγεὶσ νυχίῳ κατὰ Τάρταρον εὐρὺν ἐνεόττευσεν γένοσ ἡμέτερον, καὶ πρῶτον ἀνήγαγεν ἐσ φῶσ. πρότερον δ’ οὐκ ἦν γένοσ ἀθανάτων, πρὶν Ἔρωσ ξυνέμειξεν ἅπαντα· ξυμμιγνυμένων δ’ ἑτέρων ἑτέροισ γένετ’ οὐρανὸσ ὠκεανόσ τε καὶ γῆ πάντων τε θεῶν μακάρων γένοσ ἄφθιτον. ὦδε μέν ἐσμεν πολὺ πρεσβύτατοι πάντων μακάρων. ἡμεῖσ δ’ ὡσ ἐσμὲν Ἔρωτοσ πολλοῖσ δῆλον· πετόμεσθά τε γὰρ καὶ τοῖσιν ἐρῶσι σύνεσμεν· πολλοὺσ δὲ καλοὺσ ἀπομωμοκότασ παῖδασ πρὸσ τέρμασιν ὡρ́ασ διὰ τὴν ἰσχὺν τὴν ἡμετέραν διεμήρισαν ἄνδρεσ ἐρασταί, ὁ μὲν ὄρτυγα δοὺσ ὁ δὲ πορφυρίων’ ὁ δὲ χῆν’ ὁ δὲ Περσικὸν ὄρνιν.

일치하는 문장이 없습니다.

SEARCH

MENU NAVIGATION