헬라어 문장 검색 - ΑριστοπήΒιρδσ́03́6́

(아리스토파네스, Birds, Agon, antepirrheme)

τοῦτ’ ἐκεῖνο· ποῖφύγω δύστηνοσ; οὗτοσ οὐ μενεῖσ; ἵν’ ὑπὸ τούτων διαφορηθῶ; πῶσ γὰρ ἂν τούτουσ δοκεῖσ ἐκφυγεῖν; οὐκ οἶδ’ ὅπωσ ἄν. ἀλλ’ ἐγώ τοί σοι λέγω, ὅτι μένοντε δεῖ μάχεσθαι λαμβάνειν τε τῶν χυτρῶν. τί δὲ χύτρα νώ γ’ ὠφελήσει; γλαῦξ μὲν οὐ πρόσεισι νῷν. τοῖσ δὲ γαμψώνυξι τοισδί; τὸν ὀβελίσκον ἁρπάσασ εἶτα κατάπηξον πρὸ σαυτοῦ. τοῖσι δ’ ὀφθαλμοῖσι τί; ὀξύβαφον ἐντευθενὶ προσδοῦ λαβὼν ἢ τρύβλιον. ὦ σοφώτατ’, εὖ γ’ ἀνηῦρεσ αὐτὸ καὶ στρατηγικῶσ· ὑπερακοντίζεισ σύ γ’ ἤδη Νικίαν ταῖσ μηχαναῖσ. ἐλελελεῦ χώρει κάθεσ τὸ ῥύγχοσ· οὐ μέλλειν ἐχρῆν. ἕλκε τίλλε παῖε δεῖρε, κόπτε πρώτην τὴν χύτραν. εἰπέ μοι τί μέλλετ’ ὦ πάντων κάκιστα θηρίων ἀπολέσαι παθόντεσ οὐδὲν ἄνδρε καὶ διασπάσαι τῆσ ἐμῆσ γυναικὸσ ὄντε ξυγγενεῖ καὶ φυλέτα; φεισόμεσθα γάρ τι τῶνδε μᾶλλον ἡμεῖσ ἢ λύκων; ἢ τίνασ τεισαίμεθ’ ἄλλουσ τῶνδ’ ἂν ἐχθίουσ ἔτι; εἰ δὲ τὴν φύσιν μὲν ἐχθροὶ τὸν δὲ νοῦν εἰσιν φίλοι, καὶ διδάξοντέσ τι δεῦρ’ ἥκουσιν ὑμᾶσ χρήσιμον; πῶσ δ’ ἂν οἵδ’ ἡμᾶσ τι χρήσιμον διδάξειάν ποτε ἢ φράσειαν, ὄντεσ ἐχθροὶ τοῖσι πάπποισ τοῖσ ἐμοῖσ; ἀλλ’ ἀπ’ ἐχθρῶν δῆτα πολλὰ μανθάνουσιν οἱ σοφοί. ἡ γὰρ εὐλάβεια σῴζει πάντα. παρὰ μὲν οὖν φίλου οὐ μάθοισ ἂν τοῦθ’, ὁ δ’ ἐχθρὸσ εὐθὺσ ἐξηνάγκασεν. αὐτίχ’ αἱ πόλεισ παρ’ ἀνδρῶν γ’ ἔμαθον ἐχθρῶν κοὐ φίλων ἐκπονεῖν θ’ ὑψηλὰ τείχη ναῦσ τε κεκτῆσθαι μακράσ· τὸ δὲ μάθημα τοῦτο σῴζει παῖδασ οἶκον χρήματα. ἔστι μὲν λόγων ἀκοῦσαι πρῶτον, ὡσ ἡμῖν δοκεῖ, χρήσιμον· μάθοι γὰρ ἄν τισ κἀπὸ τῶν ἐχθρῶν σοφόν. οἵδε τῆσ ὀργῆσ χαλᾶν εἴξασιν. ἄναγ’ ἐπὶ σκέλοσ. καὶ δίκαιόν γ’ ἐστὶ κἀμοὶ δεῖ νέμειν ὑμᾶσ χάριν. ἀλλὰ μὴν οὐδ’ ἄλλο σοί πω πρᾶγμ’ ἐνηντιώμεθα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Birds, Agon, antepirrheme

(아리스토파네스, Birds, Agon, antepirrheme)

상위

목록

SEARCH

MENU NAVIGATION