헬라어 문장 검색 - ΑριστοπήΒιρδσ́02́3́0́

(아리스토파네스, Birds, Parodos, lyric)

τοροτὶξ τοροτίξ. ὦγάθ’ ἀλλ’ <εἶσ> οὑτοσὶ καὶ δή τισ ὄρνισ ἔρχεται. νὴ Δί’ ὄρνισ δῆτα. τίσ ποτ’ ἐστίν; οὐ δήπου ταὧσ; οὗτοσ αὐτὸσ νῷν φράσει· τίσ ἐστιν ὄρνισ οὑτοσί; οὗτοσ οὐ τῶν ἠθάδων τῶνδ’ ὧν ὁρᾶθ’ ὑμεῖσ ἀεί, ἀλλὰ λιμναῖοσ. βαβαὶ καλόσ γε καὶ φοινικιοῦσ. εἰκότωσ <γε>· καὶ γὰρ ὄνομ’ αὐτῷ ’στὶ φοινικόπτεροσ. οὗτοσ ὦ σέ τοι. τί βωστρεῖσ; ἕτεροσ ὄρνισ οὑτοσί. νὴ Δί’ ἕτεροσ δῆτα χοὖτοσ ἔξεδρον χρόαν ἔχων. τίσ ποτ’ ἔσθ’ ὁ μουσόμαντισ ἄτοποσ ὄρνισ ὀρειβάτησ; ὄνομα τούτῳ Μῆδόσ ἐστο. Μῆδοσ; ὦναξ Ἡράκλεισ· εἶτα πῶσ ἄνευ καμήλου Μῆδοσ ὤν εἰσέπτετο; ἕτεροσ αὖ λόφον κατειληφώσ τισ ὄρνισ οὑτοσί. τί τὸ τέρασ τουτί ποτ’ ἐστίν; οὐ σὺ μόνοσ ἄρ’ ἦσθ’ ἔποψ, ἀλλὰ χοὖτοσ ἕτεροσ; οὑτοσὶ μέν ἐστι Φιλοκλέουσ ἐξ ἔποποσ, ἐγὼ δὲ τούτου πάπποσ, ὥσπερ εἰ λέγοισ Ἱππόνικοσ Καλλίου κἀξ Ἱππονίκου Καλλίασ. Καλλίασ ἄρ’ οὗτοσ οὑρ́νισ ἐστίν· ὡσ πτερορρυεῖ. ἅτε γὰρ ὢν γενναῖοσ ὑπό <τε> συκοφαντῶν τίλλεται, αἵ τε θήλειαι προσεκτίλλουσιν αὐτοῦ τὰ πτερά. ὦ Πόσειδον ἕτεροσ αὖ τισ βαπτὸσ ὄρνισ οὑτοσί. τίσ ὀνομάξεταί ποθ’ οὗτοσ; οὑτοσὶ κατωφαγᾶσ. ἔστι γὰρ κατωφαγᾶσ τισ ἄλλοσ ἢ Κλεώνυμοσ; πῶσ ἂν οὖν Κλεώνυμόσ γ’ ὢν οὐκ ἀπέβαλε τὸν λόφον; ἀλλὰ μέντοι τίσ ποθ’ ἡ λόφωσισ ἡ τῶν ὀρνέων; ἦ ’πὶ τὸν δίαυλον ἦλθον; ὥσπερ οἱ Κᾶρεσ μὲν οὖν ἐπὶ λόφων οἰκοῦσιν ὦγάθ’ ἀσφαλείασ οὔνεκα. ὦ Πόσειδον οὐχ ὁρᾷσ ὅσον συνείλεκται κακὸν ὀρνέων; ὦναξ Ἄπολλον τοῦ νέφουσ. ἰοὺ ἰού, οὐδ’ ἰδεῖν ἔτ’ ἔσθ’ ὑπ’ αὐτῶν πετομένων τὴν εἴσοδον. οὑτοσὶ πέρδιξ, ἐκεινοσί γε νὴ Δί’ ἀτταγᾶσ, οὑτοσὶ δὲ πηνέλοψ, ἐκεινηὶ δέ γ’ ἀλκυών. τίσ γάρ ἐσθ’ οὕπισθεν αὐτῆσ; ὅστισ ἐστί; κειρύλοσ. κειρύλοσ γάρ ἐστιν ὄρνισ; οὐ γάρ ἐστι Σποργίλοσ; χαὐτηί γε γλαῦξ. τί φῄσ; τίσ γλαῦκ’ Ἀθήναζ’ ἤγαγεν; κίττα τρυγὼν κορυδὸσ ἐλεᾶσ ὑποθυμὶσ περιστερὰ νέρτοσ ἱέραξ φάττα κόκκυξ ἐρυθρόπουσ κεβλήπυρισ πορφυρὶσ κερχνῂσ κολυμβὶσ ἀμπελὶσ φήην δρύοψ. ἰοὺ ἰοὺ τῶν ὀρνέων, ἰοὺ ἰοὺ τῶν κοψίχων· οἰᾶ πιππίζουσι καὶ τρέχουσι διακεκραγότεσ. ἆρ’ ἀπειλοῦσίν γε νῷν; οἴμοι, κεχήνασίν γέ τοι καὶ βλέπουσιν ἐσ σὲ κἀμέ. τοῦτο μὲν κἀμοὶ δοκεῖ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Birds, Parodos, lyric

(아리스토파네스, Birds, Parodos, lyric)

상위

목록

SEARCH

MENU NAVIGATION