Aristophanes, Acharnians, Parabasis, epirrhema

(아리스토파네스, Acharnians, Parabasis, epirrhema)

οἱ γέροντεσ οἱ παλαιοὶ μεμφόμεσθα τῇ πόλει· οὐ γὰρ ἀξίωσ ἐκείνων ὧν ἐναυμαχήσαμεν γηροβοσκούμεσθ’ ὑφ’ ὑμῶν, ἀλλὰ δεινὰ πάσχομεν, οἵτινεσ γέροντασ ἄνδρασ ἐμβαλόντεσ ἐσ γραφὰσ ὑπὸ νεανίσκων ἐᾶτε καταγελᾶσθαι ῥητόρων, οὐδὲν ὄντασ, ἀλλὰ κωφοὺσ καὶ παρεξηυλημένουσ, οἷσ Ποσειδῶν ἀσφάλειόσ ἐστιν ἡ βακτηρία· τονθορύζοντεσ δὲ γήρᾳ τῷ λίθῳ προσέσταμεν, οὐχ ὁρῶντεσ οὐδὲν εἰ μὴ τῆσ δίκησ τὴν ἠλύγην. ὁ δέ, νεανίασ ἑαυτῷ σπουδάσασ ξυνηγορεῖν, ἐσ τάχοσ παίει ξυνάπτων στρογγύλοισ τοῖσ ῥήμασιν· κᾆτ’ ἀνελκύσασ ἐρωτᾷ σκανδάληθρ’ ἱστὰσ ἐπῶν ἄνδρα Τιθωνὸν σπαράττων καὶ ταράττων καὶ κυκῶν. ὁ δ’ ὑπὸ γήρωσ μασταρύζει, κᾆτ’ ὀφλὼν ἀπέρχεται, εἶτα λύζει καὶ δακρύει καὶ λέγει πρὸσ τοὺσ φίλουσ, οὗ μ’ ἐχρῆν σορὸν πρίασθαι τοῦτ’ ὀφλὼν ἀπέρχομαι.

일치하는 문장이 없습니다.

SEARCH

MENU NAVIGATION