Aristophanes, Acharnians, Parabasis, parabasis

(아리스토파네스, Acharnians, Parabasis, parabasis)

ἐξ οὗ γε χοροῖσιν ἐφέστηκεν τρυγικοῖσ ὁ διδάσκαλοσ ἡμῶν, οὔπω παρέβη πρὸσ τὸ θέατρον λέξων ὡσ δεξιόσ ἐστιν· διαβαλλόμενοσ δ’ ὑπὸ τῶν ἐχθρῶν ἐν Ἀθηναίοισ ταχυβούλοισ, ὡσ κωμῳδεῖ τὴν πόλιν ἡμῶν καὶ τὸν δῆμον καθυβρίζει, ἀποκρίνασθαι δεῖται νυνὶ πρὸσ Ἀθηναίουσ μεταβούλουσ. φησὶν δ’ εἶναι πολλῶν ἀγαθῶν ἄξιοσ ὑμῖν ὁ ποιητήσ, παύσασ ὑμᾶσ ξενικοῖσι λόγοισ μὴ λίαν ἐξαπατᾶσθαι, μήθ’ ἥδεσθαι θωπευομένουσ, μήτ’ εἶναι χαυνοπολίτασ. πρότερον δ’ ὑμᾶσ ἀπὸ τῶν πόλεων οἱ πρέσβεισ ἐξαπατῶντεσ πρῶτον μὲν ἰοστεφάνουσ ἐκάλουν· κἀπειδὴ τοῦτό τισ εἴποι, εὐθὺσ διὰ τοὺσ στεφάνουσ ἐπ’ ἄκρων τῶν πυγιδίων ἐκάθησθε. εἰ δέ τισ ὑμᾶσ ὑποθωπεύσασ λιπαρὰσ καλέσειεν Ἀθήνασ, ηὑρ́ετο πᾶν ἂν διὰ τὰσ λιπαράσ, ἀφύων τιμὴν περιάψασ. ταῦτα ποιήσασ πολλῶν ἀγαθῶν αἴτιοσ ὑμῖν γεγένηται, καὶ τοὺσ δήμουσ ἐν ταῖσ πόλεσιν δείξασ ὡσ δημοκρατοῦνται. τοιγάρτοι νῦν ἐκ τῶν πόλεων τὸν φόρον ὑμῖν ἀπάγοντεσ ἥξουσιν ἰδεῖν ἐπιθυμοῦντεσ τὸν ποιητὴν τὸν ἄριστον, ὅστισ παρεκινδύνευσ’ εἰπεῖν ἐν Ἀθηναίοισ τὰ δίκαια. οὕτω δ’ αὐτοῦ περὶ τῆσ τόλμησ ἤδη πόρρω κλέοσ ἥκει, ὅτε καὶ βασιλεὺσ Λακεδαιμονίων τὴν πρεσβείαν βασανίζων ἠρώτησεν πρῶτα μὲν αὐτοὺσ πότεροι ταῖσ ναυσὶ κρατοῦσιν, εἶτα δὲ τοῦτον τὸν ποιητὴν ποτέρουσ εἴποι κακὰ πολλά· τούτουσ γὰρ ἔφη τοὺσ ἀνθρώπουσ πολὺ βελτίουσ γεγενῆσθαι καὶ τῷ πολέμῳ πολὺ νικήσειν τοῦτον ξύμβουλον ἔχοντασ. διὰ ταῦθ’ ὑμᾶσ Λακεδαιμόνιοι τὴν εἰρήνην προκαλοῦνται καὶ τὴν Αἴγιναν ἀπαιτοῦσιν· καὶ τῆσ νήσου μὲν ἐκείνησ οὐ φροντίζουσ’, ἀλλ’ ἵνα τοῦτον τὸν ποιητὴν ἀφέλωνται. ἀλλ’ ὑμεῖσ τοι μή ποτ’ ἀφῆσθ’· ὡσ κωμῳδήσει τὰ δίκαια· φησὶν δ’ ὑμᾶσ πολλὰ διδάξειν ἀγάθ’, ὥστ’ εὐδαίμονασ εἶναι, οὐ θωπεύων οὐδ’ ὑποτείνων μισθοὺσ οὐδ’ ἐξαπατύλλων, οὐδὲ πανουργῶν οὐδὲ κατάρδων, ἀλλὰ τὰ βέλτιστα διδάσκων.

일치하는 문장이 없습니다.

SEARCH

MENU NAVIGATION