Aristophanes, Acharnians, Lyric-Scene, strophe 2 1:

(아리스토파네스, Acharnians, Lyric-Scene, strophe 2 1:)

πόθεν βοῆσ ἤκουσα πολεμιστηρίασ; ποῖ χρὴ βοηθεῖν; ποῖ κυδοιμὸν ἐμβαλεῖν; τίσ Γοργόν’ ἐξήγειρεν ἐκ τοῦ σάγματοσ; ὦ Λάμαχ’ ἡρ́ωσ, τῶν λόφων καὶ τῶν λόχων. ὦ Λάμαχ’, οὐ γὰρ οὗτοσ ἅνθρωποσ πάλαι ἅπασαν ἡμῶν τὴν πόλιν κακορροθεῖ; οὗτοσ σὺ τολμᾷσ πτωχὸσ ὢν λέγειν τάδε; ὦ Λάμαχ’ ἡρ́ωσ, ἀλλὰ συγγνώμην ἔχε, εἰ πτωχὸσ ὢν εἶπόν τι κἀστωμυλάμην. τί δ’ εἶπασ ἡμᾶσ; οὐκ ἐρεῖσ; οὐκ οἶδά πω· ὑπὸ τοῦ δέουσ γὰρ τῶν ὅπλων εἰλιγγιῶ. ἀλλ’ ἀντιβολῶ σ’ ἀπένεγκέ μου τὴν μορμόνα. ἰδού. παράθεσ νυν ὑπτίαν αὐτὴν ἐμοί. κεῖται. φέρε νυν ἀπὸ τοῦ κράνουσ μοι τὸ πτερόν. τουτὶ πτίλον σοι. τῆσ κεφαλῆσ νύν μου λαβοῦ, ἵν’ ἐξεμέσω· βδελύττομαι γὰρ τοὺσ λόφουσ. οὗτοσ τί δράσεισ; τῷ πτίλῳ μέλλεισ ἐμεῖν; πτίλον γάρ ἐστιν ‐ εἰπέ μοι τίνοσ ποτὲ ὄρνιθόσ ἐστιν; ἆρα κομπολακύθου; οἴμ’ ὡσ τεθνήξεισ. μηδαμῶσ ὦ Λάμαχε· οὐ γὰρ κατ’ ἰσχύν ἐστιν· εἰ δ’ ἰσχυρὸσ εἶ, τί μ’ οὐκ ἀπεψώλησασ; εὐόπλοσ γὰρ εἶ. ταυτὶ λέγεισ σὺ τὸν στρατηγὸν πτωχὸσ ὤν; ἐγὼ γάρ εἰμι πτωχόσ; ἀλλὰ τίσ γὰρ εἶ; ὅστισ; πολίτησ χρηστόσ, οὐ σπουδαρχίδησ, ἀλλ’ ἐξ ὅτου περ ὁ πόλεμοσ, στρατωνίδησ, σὺ δ’ ἐξ ὅτου περ ὁ πόλεμοσ, μισθαρχίδησ. ἐχειροτόνησαν γάρ με ‐ κόκκυγέσ γε τρεῖσ. ταῦτ’ οὖν ἐγὼ βδελυττόμενοσ ἐσπεισάμην, ὁρῶν πολιοὺσ μὲν ἄνδρασ ἐν ταῖσ τάξεσιν, νεανίασ δ’ οἱούσ σὺ διαδεδρακότασ, τοὺσ μὲν ἐπὶ Θρᾴκησ μισθοφοροῦντασ τρεῖσ δραχμάσ, Τεισαμενοφαινίππουσ Πανουργιππαρχίδασ, ἑτέρουσ δὲ παρὰ Χάρητι τοὺσ δ’ ἐν Χάοσιν, Γερητοθεοδώρουσ Διομειαλαζόνασ, τοὺσ δ’ ἐν Καμαρίνῃ κἀν Γέλα κἀν Καταγέλᾳ. ἐχειροτονήθησαν γάρ. αἴτιον δὲ τί ὑμᾶσ μὲν ἀεὶ μισθοφορεῖν ἁμῃγέπῃ, τωνδὶ δὲ μηδέν’; ἐτεὸν ὦ Μαριλάδη ἤδη πεπρέσβευκασ σὺ πολιὸσ ὢν ἓν ἢ; ἀνένευσε· καίτοι γ’ ἐστὶ σώφρων κἀργάτησ. τί δαὶ Δράκυλλοσ ἢ Εὐφορίδησ ἢ Πρινίδησ; εἶδέν τισ ὑμῶν τἀκβάταν’ ἢ τοὺσ Χάονασ; οὔ φασιν. ἀλλ’ ὁ Κοισύρασ καὶ Λάμαχοσ, οἷσ ὑπ’ ἐράνου τε καὶ χρεῶν πρώην ποτέ, ὥσπερ ἀπόνιπτρον ἐκχέοντεσ ἑσπέρασ, ἅπαντεσ ἐξίστω παρῄνουν οἱ φίλοι. ὦ δημοκρατία ταῦτα δῆτ’ ἀνασχετά; οὐ δῆτ’ ἐὰν μὴ μισθοφορῇ γε Λάμαχοσ. ἀλλ’ οὖν ἐγὼ μὲν πᾶσι Πελοποννησίοισ ἀεὶ πολεμήσω καὶ ταράξω πανταχῇ καὶ ναυσὶ καὶ πεζοῖσι κατὰ τὸ καρτερόν. ἐγὼ δὲ κηρύττω γε Πελοποννησίοισ ἅπασι καὶ Μεγαρεῦσι καὶ Βοιωτίοισ πωλεῖν ἀγοράζειν πρὸσ ἐμέ, Λαμάχῳ δὲ μή.

일치하는 문장이 없습니다.

SEARCH

MENU NAVIGATION