헬라어 문장 검색 - ΑριστοπήΑξηαρνί06́2́

(아리스토파네스, Acharnians, Lyric-Scene, iambics)

μή μοι φθονήσητ’ ἄνδρεσ οἱ θεώμενοι, εἰ πτωχὸσ ὢν ἔπειτ’ ἐν Ἀθηναίοισ λέγειν μέλλω περὶ τῆσ πόλεωσ, τρυγῳδίαν ποιῶν. τὸ γὰρ δίκαιον οἶδε καὶ τρυγῳδία. ἐγὼ δὲ λέξω δεινὰ μὲν δίκαια δέ. οὐ γάρ με νῦν γε διαβαλεῖ Κλέων ὅτι ξένων παρόντων τὴν πόλιν κακῶσ λέγω. αὐτοὶ γάρ ἐσμεν οὑπὶ Ληναίῳ τ’ ἀγών, κοὔπω ξένοι πάρεισιν· οὔτε γὰρ φόροι ἥκουσιν οὔτ’ ἐκ τῶν πόλεων οἱ ξύμμαχοι· ἀλλ’ ἐσμὲν αὐτοὶ νῦν γε περιεπτισμένοι· τοὺσ γὰρ μετοίκουσ ἄχυρα τῶν ἀστῶν λέγω. ἐγὼ δὲ μισῶ μὲν Λακεδαιμονίουσ σφόδρα, καὐτοῖσ ὁ Ποσειδῶν οὑπὶ Ταινάρῳ θεὸσ σείσασ ἅπασιν ἐμβάλοι τὰσ οἰκίασ· κἀμοὶ γάρ ἐστ’ ἀμπέλια διακεκομμένα. ἀτὰρ φίλοι γὰρ οἱ παρόντεσ ἐν λόγῳ, τί ταῦτα τοὺσ Λάκωνασ αἰτιώμεθα; ἡμῶν γὰρ ἄνδρεσ, κοὐχὶ τὴν πόλιν λέγω, μέμνησθε τοῦθ’ ὅτι οὐχὶ τὴν πόλιν λέγω, ἀλλ’ ἀνδράρια μοχθηρά, παρακεκομμένα, ἄτιμα καὶ παράσημα καὶ παράξενα, ἐσυκοφάντει Μεγαρέων τὰ χλανίσκια· κεἴ που σίκυον ἴδοιεν ἢ λαγῴδιον ἢ χοιρίδιον ἢ σκόροδον ἢ χόνδρουσ ἅλασ, ταῦτ’ ἦν Μεγαρικὰ κἀπέπρατ’ αὐθημερόν. καὶ ταῦτα μὲν δὴ σμικρὰ κἀπιχώρια, πόρνην δὲ Σιμαίθαν ἰόντεσ Μεγαράδε νεανίαι κλέπτουσι μεθυσοκότταβοι· κᾆθ’ οἱ Μεγαρῆσ ὀδύναισ πεφυσιγγωμένοι ἀντεξέκλεψαν Ἀσπασίασ πόρνα δύο· κἀντεῦθεν ἀρχὴ τοῦ πολέμου κατερράγη Ἕλλησι πᾶσιν ἐκ τριῶν λαικαστριῶν. ἐντεῦθεν ὀργῇ Περικλέησ οὑλύμπιοσ ἤστραπτ’ ἐβρόντα ξυνεκύκα τὴν Ἑλλάδα, ἐτίθει νόμουσ ὥσπερ σκόλια γεγραμμένουσ, ὡσ χρὴ Μεγαρέασ μήτε γῇ μήτ’ ἐν ἀγορᾷ μήτ’ ἐν θαλάττῃ μήτ’ ἐν οὐρανῷ μένειν. ἐντεῦθεν οἱ Μεγαρῆσ, ὅτε δὴ ’πείνων βάδην, Λακεδαιμονίων ἐδέοντο τὸ ψήφισμ’ ὅπωσ μεταστραφείη τὸ διὰ τὰσ λαικαστρίασ· κοὐκ ἠθέλομεν ἡμεῖσ δεομένων πολλάκισ. κἀντεῦθεν ἤδη πάταγοσ ἦν τῶν ἀσπίδων. ἐρεῖ τισ, οὐ χρῆν· ἀλλὰ τί ἐχρῆν, εἴπατε. φέρ’ εἰ Λακεδαιμονίων τισ ἐκπλεύσασ σκάφει ἀπέδοτο φήνασ κυνίδιον Σεριφίων, καθῆσθ’ ἂν ἐν δόμοισιν;

ἦ πολλοῦ γε δεῖ· καὶ κάρτα μέντἂν εὐθέωσ καθείλκετε τριακοσίασ ναῦσ, ἦν δ’ ἂν ἡ πόλισ πλέα θορύβου στρατιωτῶν, περὶ τριηράρχου βοῆσ, μισθοῦ διδομένου, παλλαδίων χρυσουμένων, στοᾶσ στεναχούσησ, σιτίων μετρουμένων, ἀσκῶν, τροπωτήρων, κάδουσ ὠνουμένων, σκορόδων, ἐλαῶν, κρομμύων ἐν δικτύοισ, στεφάνων, τριχίδων, αὐλητρίδων, ὑπωπίων· τὸ νεώριον δ’ αὖ κωπέων πλατουμένων, τύλων ψοφούντων, θαλαμιῶν τροπουμένων, αὐλῶν, κελευστῶν, νιγλάρων, συριγμάτων. ταῦτ’ οἶδ’ ὅτι ἂν ἐδρᾶτε· τὸν δὲ Τήλεφον οὐκ οἰόμεσθα; νοῦσ ἄρ’ ἡμῖν οὐκ ἔνι. ἄληθεσ ὦπίτριπτε καί μιαρώτατε;

ταυτὶ σὺ τολμᾷσ πτωχὸσ ὢν ἡμᾶσ λέγειν, καὶ συκοφάντησ εἴ τισ ἦν ὠνείδισασ; νὴ τὸν Ποσειδῶ καὶ λέγει γ’ ἅπερ λέγει δίκαια πάντα κοὐδὲν αὐτῶν ψεύδεται. εἶτ’ εἰ δίκαια, τοῦτον εἰπεῖν αὔτ’ ἐχρῆν; ἀλλ’ οὔτι χαίρων ταῦτα τολμήσει λέγειν. οὗτοσ σὺ ποῖ θεῖσ; οὐ μενεῖσ; ὡσ εἰ θενεῖσ τὸν ἄνδρα τοῦτον, αὐτὸσ ἀρθήσει τάχα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Acharnians, Lyric-Scene, iambics

(아리스토파네스, Acharnians, Lyric-Scene, iambics)

상위

목록

SEARCH

MENU NAVIGATION