Aristotle, Choral, anapests

(아리스토텔레스, Choral, anapests)

εὐφημεῖν χρὴ καὶ στόμα κλῄειν καὶ μαρτυριῶν ἀπέχεσθαι, καὶ τὰ δικαστήρια συγκλῄειν οἷσ ἡ πόλισ ἥδε γέγηθεν, ἐπὶ καιναῖσιν δ’ εὐτυχίαισιν παιωνίζειν τὸ θέατρον. ὦ ταῖσ ἱεραῖσ φέγγοσ Ἀθήναισ καὶ ταῖσ νήσοισ ἐπίκουρε, τίν’ ἔχων φήμην ἀγαθὴν ἥκεισ, ἐφ’ ὅτῳ κνισῶμεν ἀγυιάσ; τὸν Δῆμον ἀφεψήσασ ὑμῖν καλὸν ἐξ αἰσχροῦ πεποίηκα. καὶ ποῦ ’στιν νῦν ὦ θαυμαστὰσ ἐξευρίσκων ἐπινοίασ; ἐν ταῖσιν ἰοστεφάνοισ οἰκεῖ ταῖσ ἀρχαίαισιν Ἀθήναισ. πῶσ ἂν ἴδοιμεν; ποίαν <τιν’> ἔχει σκευήν; ποῖοσ γεγένηται; οἱο͂́σ περ Ἀριστείδῃ πρότερον καὶ Μιλτιάδῃ ξυνεσίτει. ὄψεσθε δέ· καὶ γὰρ ἀνοιγνυμένων ψόφοσ ἤδη τῶν προπυλαίων. ἀλλ’ ὀλολύξατε φαινομέναισιν ταῖσ ἀρχαίαισιν Ἀθήναισ καὶ θαυμασταῖσ καὶ πολυύμνοισ, ἵν’ ὁ κλεινὸσ Δῆμοσ ἐνοικεῖ. ὦ ταὶ λιπαραὶ καὶ ἰοστέφανοι καὶ ἀριζήλωτοι Ἀθῆναι, δείξατε τὸν τῆσ Ἑλλάδοσ ὑμῖν καὶ τῆσ γῆσ τῆσδε μόναρχον. ὅδ’ ἐκεῖνοσ ὁρᾶν τεττιγοφόρασ, ἀρχαίῳ σχήματι λαμπρόσ, οὐ χοιρινῶν ὄζων ἀλλὰ σπονδῶν, σμύρνῃ κατάλειπτοσ. χαῖρ’ ὦ βασιλεῦ τῶν Ἑλλήνων· καί σοι ξυγχαίρομεν ἡμεῖσ. τῆσ γὰρ πόλεωσ ἄξια πράττεισ καὶ τοῦ ’ν Μαραθῶνι τροπαίου.

목록

일치하는 문장이 없습니다.

SEARCH

MENU NAVIGATION