Aristotle, Parabasis, parabasis

(아리스토텔레스, Parabasis, parabasis)

εἰ μέν τισ ἀνὴρ τῶν ἀρχαίων κωμῳδοδιδάσκαλοσ ἡμᾶσ ἠνάγκαζεν λέξοντασ ἔπη πρὸσ τὸ θέατρον παραβῆναι, οὐκ ἂν φαύλωσ ἔτυχεν τούτου· νῦν δ’ ἄξιόσ ἐσθ’ ὁ ποιητήσ, ὅτι τοὺσ αὐτοὺσ ἡμῖν μισεῖ τολμᾷ τε λέγειν τὰ δίκαια, καὶ γενναίωσ πρὸσ τὸν τυφῶ χωρεῖ καὶ τὴν ἐριώλην. ἃ δὲ θαυμάζειν ὑμῶν φησιν πολλοὺσ αὐτῷ προσιόντασ καὶ βασανίζειν ὡσ οὐχὶ πάλαι χορὸν αἰτοίη καθ’ ἑαυτόν, ἡμᾶσ ὑμῖν ἐκέλευε φράσαι περὶ τούτου. φησὶ γὰρ ἁνὴρ οὐχ ὑπ’ ἀνοίασ τοῦτο πεπονθὼσ διατρίβειν, ἀλλὰ νομίζων κωμῳδοδιδασκαλίαν εἶναι χαλεπώτατον ἔργον ἁπάντων· πολλῶν γὰρ δὴ πειρασάντων αὐτὴν ὀλίγοισ χαρίσασθαι· ὑμᾶσ τε πάλαι διαγιγνώσκων ἐπετείουσ τὴν φύσιν ὄντασ καὶ τοὺσ προτέρουσ τῶν ποιητῶν ἅμα τῷ γήρᾳ προδιδόντασ· τοῦτο μὲν εἰδὼσ ἅπαθε Μάγνησ ἅμα ταῖσ πολιαῖσ κατιούσαισ, ὃσ πλεῖστα χορῶν τῶν ἀντιπάλων νίκησ ἔστησε τροπαῖα· πάσασ δ’ ὑμῖν φωνὰσ ἱεὶσ καὶ ψάλλων καὶ πτερυγίζων καὶ λυδίζων καὶ ψηνίζων καὶ βαπτόμενοσ βατραχείοισ οὐκ ἐξήρκεσεν, ἀλλὰ τελευτῶν ἐπὶ γήρωσ, οὐ γὰρ ἐφ’ ἥβησ, ἐξεβλήθη πρεσβύτησ ὤν, ὅτι τοῦ σκώπτειν ἀπελείφθη· εἶτα Κρατίνου μεμνημένοσ, ὃσ πολλῷ ῥεύσασ ποτ’ ἐπαίνῳ διὰ τῶν ἀφελῶν πεδίων ἔρρει, καὶ τῆσ στάσεωσ παρασύρων ἐφόρει τὰσ δρῦσ καὶ τὰσ πλατάνουσ καὶ τοὺσ ἐχθροὺσ προθελύμνουσ· ᾆσαι δ’ οὐκ ἦν ἐν ξυμποσίῳ πλὴν Δωροῖ συκοπέδιλε, καὶ τέκτονεσ εὐπαλάμων ὕμνων· οὕτωσ ἤνθησεν ἐκεῖνοσ. νυνὶ δ’ ὑμεῖσ αὐτὸν ὁρῶντεσ παραληροῦντ’ οὐκ ἐλεεῖτε, ἐκπιπτουσῶν τῶν ἠλέκτρων καὶ τοῦ τόνου οὐκέτ’ ἐνόντοσ τῶν θ’ ἁρμονιῶν διαχασκουσῶν· ἀλλὰ γέρων ὢν περιέρρει, ὥσπερ Κοννᾶσ, στέφανον μὲν ἔχων αὐο͂ν δίψῃ δ’ ἀπολωλώσ, ὃν χρῆν διὰ τὰσ προτέρασ νίκασ πίνειν ἐν τῷ πρυτανείῳ, καὶ μὴ ληρεῖν ἀλλὰ θεᾶσθαι λιπαρὸν παρὰ τῷ Διονύσῳ. οἱάσ δὲ Κράτησ ὀργὰσ ὑμῶν ἠνέσχετο καὶ στυφελιγμούσ, ὃσ ἀπὸ σμικρᾶσ δαπάνησ ὑμᾶσ ἀριστίζων ἀπέπεμπεν, ἀπὸ κραμβοτάτου στόματοσ μάττων ἀστειοτάτασ ἐπινοίασ· χοὖτοσ μέντοι μόνοσ ἀντήρκει, τοτὲ μὲν πίπτων τοτὲ δ’ οὐχί. ταῦτ’ ὀρρωδῶν διέτριβεν ἀεί, καὶ πρὸσ τούτοισιν ἔφασκεν ἐρέτην χρῆναι πρῶτα γενέσθαι πρὶν πηδαλίοισ ἐπιχειρεῖν, κᾆτ’ ἐντεῦθεν πρῳρατεῦσαι καὶ τοὺσ ἀνέμουσ διαθρῆσαι, κᾆτα κυβερνᾶν αὐτὸν ἑαυτῷ.

일치하는 문장이 없습니다.

SEARCH

MENU NAVIGATION