헬라어 문장 검색 - ΑριστόΚνιγητσ́02́01́0́

(아리스토텔레스, Parodos, trochees)

ἄνδρεσ ἱππῆσ παραγένεσθε· νῦν ὁ καιρόσ. ὦ Σίμων, ὦ Παναίτι’ οὐκ ἐλᾶτε πρὸσ τὸ δεξιὸν κέρασ; ἅνδρεσ ἐγγύσ. ἀλλ’ ἀμύνου κἀπαναστρέφου πάλιν. ὁ κονιορτὸσ δῆλοσ αὐτῶν ὡσ ὁμοῦ προσκειμένων. ἀλλ’ ἀμύνου καὶ δίωκε καὶ τροπὴν αὐτοῦ ποιοῦ. παῖε παῖε τὸν πανοῦργον καὶ ταραξιππόστρατον καὶ τελώνην καὶ φάραγγα καὶ Χάρυβδιν ἁρπαγῆσ, καὶ πανοῦργον καὶ πανοῦργον· πολλάκισ γὰρ αὔτ’ ἐρῶ. καὶ γὰρ οὗτοσ ἦν πανοῦργοσ πολλάκισ τῆσ ἡμέρασ. ἀλλὰ παῖε καὶ δίωκε καὶ τάραττε καὶ κύκα καὶ βδελύττου, καὶ γὰρ ἡμεῖσ, κἀπικείμενοσ βόα· εὐλαβοῦ δὲ μὴ ’κφύγῃ σε· καὶ γὰρ οἶδε τὰσ ὁδούσ, ἅσπερ Εὐκράτησ ἔφευγεν εὐθὺ τῶν κυρηβίων. ὦ γέροντεσ ἡλιασταί, φράτερεσ τριωβόλου, οὓσ ἐγὼ βόσκω κεκραγὼσ καὶ δίκαια κἄδικα, παραβοηθεῖθ’, ὡσ ὑπ’ ἀνδρῶν τύπτομαι ξυνωμοτῶν. ἐν δίκῃ γ’, ἐπεὶ τὰ κοινὰ πρὶν λαχεῖν κατεσθίεισ, κἀποσυκάζεισ πιέζων τοὺσ ὑπευθύνουσ σκοπῶν, ὅστισ αὐτῶν ὠμόσ ἐστιν ἢ πέπων ἢ μὴ πέπων, κἄν τιν’ αὐτῶν γνῷσ ἀπράγμον’ ὄντα καὶ κεχηνότα, καταγαγὼν ἐκ Χερρονήσου διαβαλὼν ἀγκυρίσασ εἶτ’ ἀποστρέψασ τὸν ὦμον αὐτὸν ἐνεκολήβασασ· καὶ σκοπεῖσ γε τῶν πολιτῶν ὅστισ ἐστὶν ἀμνοκῶν, πλούσιοσ καὶ μὴ πονηρὸσ καὶ τρέμων τὰ πράγματα. ξυνεπίκεισθ’ ὑμεῖσ; ἐγὼ δ’ ἄνδρεσ δι’ ὑμᾶσ τύπτομαι, ὅτι λέγειν γνώμην ἔμελλον ὡσ δίκαιον ἐν πόλει ἑστάναι μνημεῖον ὑμῶν ἐστιν ἀνδρείασ χάριν. ὡσ δ’ ἀλαζών, ὡσ δὲ μάσθλησ· εἶδεσ οἷ’ ὑπέρχεται ὡσπερεὶ γέροντασ ἡμᾶσ καὶ κοβαλικεύεται; ἀλλ’ ἐὰν ταύτῃ γε νικᾷ, ταυτῃὶ πεπλήξεται· ἢν δ’ ὑπεκκλίνῃ γε δευρί, τὸ σκέλοσ κυρηβάσει. ὦ πόλισ καὶ δῆμ’ ὑφ’ οἱών θηρίων γαστρίζομαι. καὶ κέκραγασ, ὥσπερ ἀεὶ τὴν πόλιν καταστρέφει; ἀλλ’ ἐγώ σε τῇ βοῇ ταύτῃ γε πρῶτα τρέψομαι. ἀλλ’ ἐὰν μέντοι γε νικᾷσ τῇ βοῇ, τήνελλοσ εἶ· ἢν δ’ ἀναιδείᾳ παρέλθῃ σ’, ἡμέτεροσ ὁ πυραμοῦσ. τουτονὶ τὸν ἄνδρ’ ἐγὼ ’νδείκνυμι, καὶ φήμ’ ἐξάγειν ταῖσι Πελοποννησίων τριήρεσι ζωμεύματα. ναὶ μὰ Δία κἄγωγε τοῦτον, ὅτι κενῇ τῇ κοιλίᾳ ἐσδραμὼν ἐσ τὸ πρυτανεῖον, εἶτα πάλιν ἐκθεῖ πλέᾳ. νὴ Δί’ ἐξάγων γε τἀπόρρηθ’, ἅμ’ ἄρτον καὶ κρέασ καὶ τέμαχοσ, οὗ Περικλέησ οὐκ ἠξιώθη πώποτε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Parodos, trochees

(아리스토텔레스, Parodos, trochees)

목록

SEARCH

MENU NAVIGATION