헬라어 문장 검색 - Ανονψμ́Ηομεριξ́30́

(익명 저작, Homeric Hymns, Εἲσ Γῆν Μητέρα Πάντων)

γαῖαν παμμήτειραν ἀείσομαι, ἠυθέμεθλον, πρεσβίστην, ἣ φέρβει ἐπὶ χθονὶ πάνθ’ ὁπόσ’ ἐστίν, ἠμὲν ὅσα χθόνα δῖαν ἐπέρχεται ἠδ’ ὅσα πόντον ἠδ’ ὅσα πωτῶνται, τάδε φέρβεται ἐκ σέθεν ὄλβου. ἐκ σέο δ’ εὔπαιδέσ τε καὶ εὔκαρποι τελέθουσι, πότνια, σεῦ δ’ ἔχεται δοῦναι βίον ἠδ’ ἀφελέσθαι θνητοῖσ ἀνθρώποισιν· ὃ δ’ ὄλβιοσ, ὅν κε σὺ θυμῷ πρόφρων τιμήσῃσ· τῷ τ’ ἄφθονα πάντα πάρεστι. βρίθει μέν σφιν ἄρουρα φερέσβιοσ ἠδὲ κατ’ ἀγροὺσ κτήνεσιν εὐθηνεῖ, οἶκοσ δ’ ἐμπίπλαται ἐσθλῶν· αὐτοὶ δ’ εὐνομίῃσι πόλιν κάτα καλλιγύναικα κοιρανέουσ’, ὄλβοσ δὲ πολὺσ καὶ πλοῦτοσ ὀπηδεῖ· παῖδεσ δ’ εὐφροσύνῃ νεοθηλέι κυδιόωσι παρθενικαί τε χοροῖσ πολυανθέσιν εὔφρονι θυμῷ παίζουσαι σκαίρουσι κατ’ ἄνθεα μαλθακὰ ποίησ, οὕσ κε σὺ τιμήσῃσ, σεμνὴ θεά, ἄφθονε δαῖμον. χαῖρε, θεῶν μήτηρ, ἄλοχ’ Οὐρανοῦ ἀστερόεντοσ, πρόφρων δ’ ἀντ’ ᾠδῆσ βίοτον θυμήρε’ ὄπαζε·

αὐτὰρ ἐγὼ καὶ σεῖο καὶ ἄλλησ μνήσομ’ ἀοιδῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Anonymous, Homeric Hymns, Εἲσ Γῆν Μητέρα Πάντων

(익명 저작, Homeric Hymns, Εἲσ Γῆν Μητέρα Πάντων)

상위

목록

SEARCH

MENU NAVIGATION