호흡부호 보기
강세부호 보기
장단부호 보기
작은 Iota 보기
모든 부호 보기
Παλλάδ’ Ἀθηναίην, κυδρὴν θεόν, ἄρχομ’ ἀείδειν γλαυκῶπιν, πολύμητιν, ἀμείλιχον ἦτορ ἔχουσαν, παρθένον αἰδοίην, ἐρυσίπτολιν, ἀλκήεσσαν, Τριτογενῆ, τὴν αὐτὸσ ἐγείνατο μητίετα Ζεὺσ σεμνῆσ ἐκ κεφαλῆσ, πολεμήια τεύχε’ ἔχουσαν, χρύσεα, παμφανόωντα· σέβασ δ’ ἔχε πάντασ ὁρῶντασ ἀθανάτουσ· ἣ δὲ πρόσθεν Διὸσ αἰγιόχοιο ἐσσυμένωσ ὤρουσεν ἀπ’ ἀθανάτοιο καρήνου, σείσασ’ ὀξὺν ἄκοντα· μέγασ δ’ ἐλελίζετ’ Ὄλυμποσ δεινὸν ὑπὸ βρίμησ γλαυκώπιδοσ· ἀμφὶ δὲ γαῖα σμερδαλέον ἰάχησεν· ἐκινήθη δ’ ἄρα πόντοσ, κύμασι πορφυρέοισι κυκώμενοσ· ἔκχυτο δ’ ἅλμη ἐξαπίνησ· στῆσεν δ’ Ὑπερίονοσ ἀγλαὸσ υἱὸσ ἵππουσ ὠκύποδασ δηρὸν χρόνον, εἰσότε κούρη εἵλετ’ ἀπ’ ἀθανάτων ὤμων θεοείκελα τεύχη Παλλὰσ Ἀθηναίη· γήθησε δὲ μητίετα Ζεύσ. καὶ σὺ μὲν οὕτω χαῖρε, Διὸσ τέκοσ αἰγιόχοιο·
αὐτὰρ ἐγὼ καὶ σεῖο καὶ ἄλλησ μνήσομ’ ἀοιδῆσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기