헬라어 문장 검색 - Ανονψμ́Ηομεριξ́27́

(익명 저작, Homeric Hymns, Εἲσ Ἄρτεμιν)

Ἄρτεμιν ἀείδω χρυσηλάκατον, κελαδεινήν, παρθένον αἰδοίην, ἐλαφηβόλον, ἰοχέαιραν, αὐτοκασιγνήτην χρυσαόρου Ἀπόλλωνοσ, ἣ κατ’ ὄρη σκιόεντα καὶ ἄκριασ ἠνεμοέσσασ ἄγρῃ τερπομένη παγχρύσεα τόξα τιταίνει πέμπουσα στονόεντα βέλη· τρομέει δὲ κάρηνα ὑψηλῶν ὀρέων, ἰάχει δ’ ἔπι δάσκιοσ ὕλη δεινὸν ὑπὸ κλαγγῆσ θηρῶν, φρίσσει δέ τε γαῖα πόντοσ τ’ ἰχθυόεισ· ἣ δ’ ἄλκιμον ἦτορ ἔχουσα πάντη ἐπιστρέφεται θηρῶν ὀλέκουσα γενέθλην. αὐτὰρ ἐπὴν τερφθῇ θηροσκόποσ ἰοχέαιρα, εὐφρήνῃ δὲ νόον, χαλάσασ’ εὐκαμπέα τόξα ἔρχεται ἐσ μέγα δῶμα κασιγνήτοιο φίλοιο, Φοίβου Ἀπόλλωνοσ, Δελφῶν ἐσ πίονα δῆμον, Μουσῶν καὶ Χαρίτων καλὸν χορὸν ἀρτυνέουσα. ἔνθα κατακρεμάσασα παλίντονα τόξα καὶ ἰοὺσ ἡγεῖται χαρίεντα περὶ χροὶ̈ κόσμον ἔχουσα, ἐξάρχουσα χορούσ· αἳ δ’ ἀμβροσίην ὄπ’ ἰεῖσαι ὑμνεῦσιν Λητὼ καλλίσφυρον, ὡσ τέκε παῖδασ ἀθανάτων βουλῇ τε καὶ ἔργμασιν ἔξοχ’ ἀρίστουσ. χαίρετε, τέκνα Διὸσ καὶ Λητοῦσ ἠυκόμοιο·

αὐτὰρ ἐγὼν ὑμέων τε καὶ ἄλλησ μνήσομ’ ἀοιδῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Anonymous, Homeric Hymns, Εἲσ Ἄρτεμιν

(익명 저작, Homeric Hymns, Εἲσ Ἄρτεμιν)

상위

목록

SEARCH

MENU NAVIGATION