Anonymous, Homeric Hymns, Εἲσ Ἄρτεμιν 2:

(익명 저작, Homeric Hymns, Εἲσ Ἄρτεμιν 2:)

Ἄρτεμιν ἀείδω χρυσηλάκατον, κελαδεινήν, παρθένον αἰδοίην, ἐλαφηβόλον, ἰοχέαιραν, αὐτοκασιγνήτην χρυσαόρου Ἀπόλλωνοσ, ἣ κατ’ ὄρη σκιόεντα καὶ ἄκριασ ἠνεμοέσσασ ἄγρῃ τερπομένη παγχρύσεα τόξα τιταίνει πέμπουσα στονόεντα βέλη· τρομέει δὲ κάρηνα ὑψηλῶν ὀρέων, ἰάχει δ’ ἔπι δάσκιοσ ὕλη δεινὸν ὑπὸ κλαγγῆσ θηρῶν, φρίσσει δέ τε γαῖα πόντοσ τ’ ἰχθυόεισ· ἣ δ’ ἄλκιμον ἦτορ ἔχουσα πάντη ἐπιστρέφεται θηρῶν ὀλέκουσα γενέθλην. αὐτὰρ ἐπὴν τερφθῇ θηροσκόποσ ἰοχέαιρα, εὐφρήνῃ δὲ νόον, χαλάσασ’ εὐκαμπέα τόξα ἔρχεται ἐσ μέγα δῶμα κασιγνήτοιο φίλοιο, Φοίβου Ἀπόλλωνοσ, Δελφῶν ἐσ πίονα δῆμον, Μουσῶν καὶ Χαρίτων καλὸν χορὸν ἀρτυνέουσα. ἔνθα κατακρεμάσασα παλίντονα τόξα καὶ ἰοὺσ ἡγεῖται χαρίεντα περὶ χροὶ̈ κόσμον ἔχουσα, ἐξάρχουσα χορούσ· αἳ δ’ ἀμβροσίην ὄπ’ ἰεῖσαι ὑμνεῦσιν Λητὼ καλλίσφυρον, ὡσ τέκε παῖδασ ἀθανάτων βουλῇ τε καὶ ἔργμασιν ἔξοχ’ ἀρίστουσ.

일치하는 문장이 없습니다.

SEARCH

MENU NAVIGATION