헬라어 문장 검색 - Ανονψμ́Ηομεριξ́19́

(익명 저작, Homeric Hymns, Εἲσ Πᾶνα)

ἀμφί μοι Ἑρμείαο φίλον γόνον ἔννεπε, Μοῦσα, αἰγιπόδην, δικέρωτα, φιλόκροτον, ὅστ’ ἀνὰ πίση δενδρήεντ’ ἄμυδισ φοιτᾷ χορογηθέσι νύμφαισ, αἵ τε κατ’ αἰγίλιποσ πέτρησ στείβουσι κάρηνα Πᾶν’ ἀνακεκλόμεναι, νόμιον θεόν, ἀγλαέθειρον, αὐχμήενθ’, ὃσ πάντα λόφον νιφόεντα λέλογχε καὶ κορυφὰσ ὀρέων καὶ πετρήεντα κάρηνα. φοιτᾷ δ’ ἔνθα καὶ ἔνθα διὰ ῥωπήια πυκνά, ἄλλοτε μὲν ῥείθροισιν ἐφελκόμενοσ μαλακοῖσιν, ἄλλοτε δ’ αὖ πέτρῃσιν ἐν ἠλιβάτοισι διοιχνεῖ, ἀκροτάτην κορυφὴν μηλοσκόπον εἰσαναβαίνων. πολλάκι δ’ ἀργινόεντα διέδραμεν οὔρεα μακρά, πολλάκι δ’ ἐν κνημοῖσι διήλασε θῆρασ ἐναίρων, ὀξέα δερκόμενοσ· τότε δ’ ἕσπεροσ ἔκλαγεν οἰο͂ν ἄγρησ ἐξανιών, δονάκων ὕπο μοῦσαν ἀθύρων νήδυμον· οὐκ ἂν τόν γε παραδράμοι ἐν μελέεσσιν ὄρνισ, ἥτ’ ἐάροσ πολυανθέοσ ἐν πετάλοισι θρῆνον ἐπιπροχέουσ’ ἀχέει μελίγηρυν ἀοιδήν. σὺν δέ σφιν τότε Νύμφαι ὀρεστιάδεσ λιγύμολποι φοιτῶσαι πύκα ποσσὶν ἐπὶ κρήνῃ μελανύδρῳ μέλπονται· κορυφὴν δὲ περιστένει οὔρεοσ Ἠχώ· δαίμων δ’ ἔνθα καὶ ἔνθα χορῶν, τοτὲ δ’ ἐσ μέσον ἑρ́πων, πυκνὰ ποσὶν διέπει, λαῖφοσ δ’ ἐπὶ νῶτα δαφοινὸν λυγκὸσ ἔχει, λιγυρῇσιν ἀγαλλόμενοσ φρένα μολπαῖσ ἐν μαλακῷ λειμῶνι, τόθι κρόκοσ ἠδ’ ὑάκινθοσ εὐώδησ θαλέθων καταμίσγεται ἄκριτα ποίῃ. ὑμνεῦσιν δὲ θεοὺσ μάκαρασ καὶ μακρὸν Ὄλυμπον·

Πᾶνα δέ μιν καλέεσκον, ὅτι φρένα πᾶσιν ἔτερψε. οἱο͂́ν θ’ Ἑρμείην ἐριούνιον ἔξοχον ἄλλων ἔννεπον, ὡσ ὅ γ’ ἅπασι θεοῖσ θοὸσ ἄγγελόσ ἐστι, καί ῥ’ ὅ γ’ ἐσ Ἀρκαδίην πολυπίδακα, μητέρα μήλων, ἐξίκετ’, ἔνθα τέ οἱ τέμενοσ Κυλληνίου ἐστίν. ἔνθ’ ὅ γε καὶ θεὸσ ὢν ψαφαρότριχα μῆλ’ ἐνόμευεν ἀνδρὶ πάρα θνητῷ θάλε γὰρ πόθοσ ὑγρὸσ ἐπελθὼν νύμφῃ ἐυπλοκάμῳ Δρύοποσ φιλότητι μιγῆναι· ἐκ δ’ ἐτέλεσσε γάμον θαλερόν. τέκε δ’ ἐν μεγάροισιν Ἑρμείῃ φίλον υἱόν, ἄφαρ τερατωπὸν ἰδέσθαι, αἰγιπόδην, δικέρωτα, φιλόκροτον, ἡδυγέλωτα· φεῦγε δ’ ἀναί̈ξασα, λίπεν δ’ ἄρα παῖδα τιθήνη δεῖσε γάρ, ὡσ ἴδεν ὄψιν ἀμείλιχον, ἠυγένειον. τὸν δ’ αἶψ’ Ἑρμείασ ἐριούνιοσ εἰσ χέρα θῆκε δεξάμενοσ, χαῖρεν δὲ νόῳ περιώσια δαίμων. ῥίμφα δ’ ἐσ ἀθανάτων ἕδρασ κίε παῖδα καλύψασ δέρμασιν ἐν πυκινοῖσιν ὀρεσκῴοιο λαγωοῦ πὰρ δὲ Ζηνὶ κάθιζε καὶ ἄλλοισ ἀθανάτοισι, δεῖξε δὲ κοῦρον ἑόν· πάντεσ δ’ ἄρα θυμὸν ἔτερφθεν ἀθάνατοι, περίαλλα δ’ ὁ Βάκχειοσ Διόνυσοσ· καὶ σὺ μὲν οὕτω χαῖρε, ἄναξ, ἵλαμαι δέ σ’ ἀοιδῇ αὐτὰρ ἐγὼ καὶ σεῖο καὶ ἄλλησ μνήσομ’ ἀοιδῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Anonymous, Homeric Hymns, Εἲσ Πᾶνα

(익명 저작, Homeric Hymns, Εἲσ Πᾶνα)

상위

목록

SEARCH

MENU NAVIGATION