Anonymous, Homeric Hymns, Εἲσ Ἄρεα 2:

(익명 저작, Homeric Hymns, Εἲσ Ἄρεα 2:)

Ἆρεσ ὑπερμενέτα, βρισάρματε, χρυσεοπήληξ, ὀβριμόθυμε, φέρασπι, πολισσόε, χαλκοκορυστά, καρτερόχειρ, ἀμόγητε, δορισθενέσ, ἑρ́κοσ Ὀλύμπου, Νίκησ εὐπολέμοιο πάτερ, συναρωγὲ Θέμιστοσ, ἀντιβίοισι τύραννε, δικαιοτάτων ἀγὲ φωτῶν, ἠνορέησ σκηπτοῦχε, πυραυγέα κύκλον ἑλίσσων αἰθέροσ ἑπταπόροισ ἐνὶ τείρεσιν, ἔνθα σε πῶλοι ζαφλεγέεσ τριτάτησ ὑπὲρ ἄντυγοσ αἰὲν ἔχουσι· κλῦθι, βροτῶν ἐπίκουρε, δοτὴρ εὐθαρσέοσ ἥβησ, πρηὺ καταστίλβων σέλασ ὑψόθεν ἐσ βιότητα ἡμετέρην καὶ κάρτοσ ἀρήιον, ὥσ κε δυναίμην σεύασθαι κακότητα πικρὴν ἀπ’ ἐμοῖο καρήνου, καὶ ψυχῆσ ἀπατηλὸν ὑπογνάμψαι φρεσὶν ὁρμήν, θυμοῦ αὖ μένοσ ὀξὺ κατισχέμεν, ὅσ μ’ ἐρέθῃσι φυλόπιδοσ κρυερῆσ ἐπιβαινέμεν· ἀλλὰ σὺ θάρσοσ δόσ, μάκαρ, εἰρήνησ τε μένειν ἐν ἀπήμοσι θεσμοῖσ δυσμενέων προφυγόντα μόθον Κῆράσ τε βιαίουσ.

일치하는 문장이 없습니다.

SEARCH

MENU NAVIGATION