Anonymous, Homeric Hymns, Εἲσ Διώνυσον 5:

(익명 저작, Homeric Hymns, Εἲσ Διώνυσον 5:)

ὣσ εἰπὼν ἱστόν τε καὶ ἱστίον ἕλκετο νηόσ. ἔμπνευσεν δ’ ἄνεμοσ μέσον ἱστίον· ἀμφὶ δ’ ἄρ’ ὅπλα καττάνυσαν· τάχα δέ σφιν ἐφαίνετο θαυματὰ ἔργα. οἶνοσ μὲν πρώτιστα θοὴν ἀνὰ νῆα μέλαιναν ἡδύποτοσ κελάρυζ’ εὐώδησ, ὤρνυτο δ’ ὀδμὴ ἀμβροσίη· ναύτασ δὲ τάφοσ λάβε πάντασ ἰδόντασ. αὐτίκα δ’ ἀκρότατον παρὰ ἱστίον ἐξετανύσθη ἄμπελοσ ἔνθα καὶ ἔνθα, κατεκρημνῶντο δὲ πολλοὶ βότρυεσ· ἀμφ’ ἱστὸν δὲ μέλασ εἱλίσσετο κισσόσ, ἄνθεσι τηλεθάων, χαρίεισ δ’ ἐπὶ καρπὸσ ὀρώρει· πάντεσ δὲ σκαλμοὶ στεφάνουσ ἔχον· οἳ δὲ ἰδόντεσ, νῆ’ ἤδη τότ’ ἔπειτα κυβερνήτην ἐκέλευον γῇ πελάαν· ὃ δ’ ἄρα σφι λέων γένετ’ ἔνδοθι νηὸσ δεινὸσ ἐπ’ ἀκροτάτησ, μέγα δ’ ἔβραχεν, ἐν δ’ ἄρα μέσσῃ ἄρκτον ἐποίησεν λασιαύχενα, σήματα φαίνων· ἂν δ’ ἔστη μεμαυῖα· λέων δ’ ἐπὶ σέλματοσ ἄκρου δεινὸν ὑπόδρα ἰδών· οἳ δ’ ἐσ πρύμνην ἐφόβηθεν, ἀμφὶ κυβερνήτην δὲ σαόφρονα θυμὸν ἔχοντα ἔσταν ἄρ’ ἐκπληγέντεσ· ὃ δ’ ἐξαπίνησ ἐπορούσασ ἀρχὸν ἕλ’, οἳ δὲ θύραζε κακὸν μόρον ἐξαλύοντεσ πάντεσ ὁμῶσ πήδησαν, ἐπεὶ ἴδον, εἰσ ἅλα δῖαν, δελφῖνεσ δ’ ἐγένοντο· κυβερνήτην δ’ ἐλεήσασ ἔσχεθε καί μιν ἔθηκε πανόλβιον εἶπέ τε μῦθον·

일치하는 문장이 없습니다.

SEARCH

MENU NAVIGATION