Anonymous, Homeric Hymns, Εἲσ Διώνυσον 3:

(익명 저작, Homeric Hymns, Εἲσ Διώνυσον 3:)

δαιμόνιοι, τίνα τόνδε θεὸν δεσμεύεθ’ ἑλόντεσ, καρτερόν; οὐδὲ φέρειν δύναταί μιν νηῦσ εὐεργήσ. ἢ γὰρ Ζεὺσ ὅδε γ’ ἐστὶν ἢ ἀργυρότοξοσ Ἀπόλλων ἠὲ Ποσειδάων· ἐπεὶ οὐ θνητοῖσι βροτοῖσιν εἴκελοσ, ἀλλὰ θεοῖσ, οἳ Ὀλύμπια δώματ’ ἔχουσιν. ἀλλ’ ἄγετ’, αὐτὸν ἀφῶμεν ἐπ’ ἠπείροιο μελαίνησ αὐτίκα· μηδ’ ἐπὶ χεῖρασ ἰάλλετε, μή τι χολωθεὶσ ὄρσῃ ἔπ’ ἀργαλέουσ τ’ ἀνέμουσ καὶ λαίλαπα πολλήν. Ὣσ φάτο· τὸν δ’ ἀρχὸσ στυγερῷ ἠνίπαπε μύθῳ· δαιμόνι’, οὖρον ὁρ́α, ἅμα δ’ ἱστίον ἕλκεο νηὸσ σύμπανθ’ ὅπλα λαβών· ὅδε δ’ αὖτ’ ἄνδρεσσι μελήσει. ἔλπομαι, ἢ Αἴγυπτον ἀφίξεται ἢ ὅ γε Κύπρον ἢ ἐσ Ὑπερβορέουσ ἢ ἑκαστέρω· ἐσ δὲ τελευτὴν ἔκ ποτ’ ἐρεῖ αὐτοῦ τε φίλουσ καὶ κτήματα πάντα οὕσ τε κασιγνήτουσ, ἐπεὶ ἡμῖν ἔμβαλε δαίμων.

일치하는 문장이 없습니다.

SEARCH

MENU NAVIGATION