Anonymous, Homeric Hymns, Εἲσ Ἀφροδίτην 2:

(익명 저작, Homeric Hymns, Εἲσ Ἀφροδίτην 2:)

αἰδοίην, χρυσοστέφανον, καλὴν Ἀφροδίτην ᾄσομαι, ἣ πάσησ Κύπρου κρήδεμνα λέλογχεν εἰναλίησ, ὅθι μιν Ζεφύρου μένοσ ὑγρὸν ἀέντοσ ἤνεικεν κατὰ κῦμα πολυφλοίσβοιο θαλάσσησ ἀφρῷ ἔνι μαλακῷ· τὴν δὲ χρυσάμπυκεσ Ὧραι δέξαντ’ ἀσπασίωσ, περὶ δ’ ἄμβροτα εἵματα ἕσσαν· κρατὶ δ’ ἐπ’ ἀθανάτῳ στεφάνην εὔτυκτον ἔθηκαν καλήν, χρυσείην· ἐν δὲ τρητοῖσι λοβοῖσιν ἄνθεμ’ ὀρειχάλκου χρυσοῖό τε τιμήεντοσ· δειρῇ δ’ ἀμφ’ ἁπαλῇ καὶ στήθεσιν ἀργυφέοισιν ὁρ́μοισι χρυσέοισιν ἐκόσμεον, οἷσί περ αὐταὶ Ὧραι κοσμείσθην χρυσάμπυκεσ, ὁππότ’ ἰοιέν ἐσ χορὸν ἱμερόεντα θεῶν καὶ δώματα πατρόσ. αὐτὰρ ἐπειδὴ πάντα περὶ χροὶ̈ κόσμον ἔθηκαν, ἦγον ἐσ ἀθανάτουσ· οἳ δ’ ἠσπάζοντο ἰδόντεσ χερσί τ’ ἐδεξιόωντο καὶ ἠρήσαντο ἕκαστοσ εἶναι κουριδίην ἄλοχον καὶ οἴκαδ’ ἄγεσθαι, εἶδοσ θαυμάζοντεσ ἰοστεφάνου Κυθερείησ.

일치하는 문장이 없습니다.

SEARCH

MENU NAVIGATION