헬라어 문장 검색 - Ανονψμ́Ηομεριξ́05́0́11́

(익명 저작, Homeric Hymns, Εἲσ Ἀφροδίτην 11:)

τὸν δ’ ἠμείβετ’ ἔπειτα Διὸσ θυγάτηρ Ἀφροδίτη· Ἀγχίση, κύδιστε χαμαιγενέων ἀνθρώπων, οὔ τίσ τοι θεόσ εἰμι· τί μ’ ἀθανάτῃσιν ἐίσκεισ; ἀλλὰ καταθνητή τε, γυνὴ δέ με γείνατο μήτηρ. Ὀτρεὺσ δ’ ἐστὶ πατὴρ ὀνομακλυτόσ, εἴ που ἀκούεισ, ὃσ πάσησ Φρυγίησ εὐτειχήτοιο ἀνάσσει. γλῶσσαν δ’ ὑμετέρην τε καὶ ἡμετέρην σάφα οἶδα. Τρῳὰσ γὰρ μεγάρῳ με τροφὸσ τρέφεν· ἣ δὲ διαπρὸ σμικρὴν παῖδ’ ἀτίταλλε, φίλησ παρὰ μητρὸσ ἑλοῦσα. ὣσ δή τοι γλῶσσάν γε καὶ ὑμετέρην εὖ οἶδα. νῦν δέ μ’ ἀνήρπαξε χρυσόρραπισ Ἀργειφόντησ ἐκ χοροῦ Ἀρτέμιδοσ χρυσηλακάτου, κελαδεινῆσ. πολλαὶ δὲ νύμφαι καὶ παρθένοι ἀλφεσίβοιαι παίζομεν, ἀμφὶ δ’ ὅμιλοσ ἀπείριτοσ ἐστεφάνωτο. ἔνθεν μ’ ἡρ́παξε χρυσόρραπισ Ἀργειφόντησ· πολλὰ δ’ ἔπ’ ἤγαγεν ἔργα καταθνητῶν ἀνθρώπων, πολλὴν δ’ ἄκληρόν τε καὶ ἄκτιτον, ἣν διὰ θῆρεσ ὠμοφάγοι φοιτῶσι κατὰ σκιόεντασ ἐναύλουσ· οὐδὲ ποσὶ ψαύσειν ἐδόκουν φυσιζόου αἰήσ· Ἀγχίσεω δέ με φάσκε παραὶ λέχεσιν καλέεσθαι κουριδίην ἄλοχον, σοὶ δ’ ἀγλαὰ τέκνα τεκεῖσθαι. αὐτὰρ ἐπεὶ δὴ δεῖξε καὶ ἔφρασεν, ἦ τοι ὅ γ’ αὖτισ ἀθανάτων μετὰ φῦλ’ ἀπέβη κρατὺσ Ἀργειφόντησ· αὐτὰρ ἐγώ σ’ ἱκόμην, κρατερὴ δέ μοι ἔπλετ’ ἀνάγκη. ἀλλά σε πρὸσ Ζηνὸσ γουνάζομαι ἠδὲ τοκήων ἐσθλῶν· οὐ μὲν γάρ κε κακοὶ τοιόνδε τέκοιεν· ἀδμήτην μ’ ἀγαγὼν καὶ ἀπειρήτην φιλότητοσ πατρί τε σῷ δεῖξον καὶ μητέρι κέδν’ εἰδυίῃ σοῖσ τε κασιγνήτοισ, οἵ τοι ὁμόθεν γεγάασιν. οὔ σφιν ἀεικελίη νυὸσ ἔσσομαι, ἀλλ’ εἰκυῖα. πέμψαι δ’ ἄγγελον ὦκα μετὰ Φρύγασ αἰολοπώλουσ εἰπεῖν πατρί τ’ ἐμῷ καὶ μητέρι κηδομένῃ περ· οἳ δέ κε τοι χρυσόν τε ἅλισ ἐσθῆτά θ’ ὑφαντὴν πέμψουσιν· σὺ δὲ πολλὰ καὶ ἀγλαὰ δέχθαι ἄποινα. ταῦτα δὲ ποιήσασ δαίνυ γάμον ἱμερόεντα, τίμιον ἀνθρώποισι καὶ ἀθανάτοισι θεοῖσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Anonymous, Homeric Hymns, Εἲσ Ἀφροδίτην 11:

(익명 저작, Homeric Hymns, Εἲσ Ἀφροδίτην 11:)

상위

목록

SEARCH

MENU NAVIGATION