Anonymous, Homeric Hymns, Εἲσ Ἑρμῆν 57:

(익명 저작, Homeric Hymns, Εἲσ Ἑρμῆν 57:)

ἄλλο δέ τοι ἐρέω, Μαίησ ἐρικυδέοσ υἱὲ καὶ Διὸσ αἰγιόχοιο, θεῶν ἐριούνιε δαῖμον· σεμναὶ γὰρ τινεσ εἰσί, κασίγνηται γεγαυῖαι, παρθένοι, ὠκείῃσιν ἀγαλλόμεναι πτερύγεσσι, τρεῖσ· κατὰ δὲ κρατὸσ πεπαλαγμέναι ἄλφιτα λευκά, οἰκία ναιετάουσιν ὑπὸ πτυχὶ Παρνησοῖο, μαντείησ ἀπάνευθε διδάσκαλοι, ἣν ἐπὶ βουσὶ παῖσ ἔτ’ ἐὼν μελέτησα· πατὴρ δ’ ἐμὸσ οὐκ ἀλέγιζεν, ἐντεῦθεν δὴ ἔπειτα ποτώμεναι ἄλλοτε ἄλλη κηρία βόσκονται καὶ τε κραίνουσιν ἕκαστα. αἳ δ’ ὅτε μὲν θυί̈ωσιν ἐδηδυῖαι μέλι χλωρόν, προφρονέωσ ἐθέλουσιν ἀληθείην ἀγορεύειν· ἢν δ’ ἀπονοσφισθῶσι θεῶν ἡδεῖαν ἐδωδήν, ψεύδονται δὴ ἔπειτα δι’ ἀλλήλων δονέουσαι. τάσ τοι ἔπειτα δίδωμι· σὺ δ’ ἀτρεκέωσ ἐρεείνων σὴν αὐτοῦ φρένα τέρπε, καὶ εἰ βροτὸν ἄνδρα δαείῃσ, πολλάκι σῆσ ὀμφῆσ ἐπακούσεται, αἴ κε τύχῃσι. ταῦτ’ ἔχε, Μαιάδοσ υἱέ, καὶ ἀγραύλουσ ἕλικασ βοῦσ ἵππουσ τ’ ἀμφιπόλευε καὶ ἡμιόνουσ ταλαεργούσ. [ὡσ ἔφατ’· οὐρανόθεν δὲ πατὴρ Ζεὺσ αὐτὸσ ἔπεσσι θῆκε τέλοσ· πᾶσιν δ’ ἄρ’ ὅ γ’ οἰωνοῖσι κέλευσεν καὶ χαροποῖσι λέουσι καὶ ἀργιόδουσι σύεσσι καὶ κυσὶ καὶ μήλοισιν, ὅσα τρέφει εὐρεῖα χθών, πᾶσι δ’ ἐπὶ προβάτοισιν ἀνάσσειν κύδιμον Ἑρμῆν, οἰο͂ν δ’ εἰσ Αἴ̈δην τετελεσμένον ἄγγελον εἶναι, ὅσ τ’ ἄδοτόσ περ ἐὼν δώσει γέρασ οὐκ ἐλάχιστον.

일치하는 문장이 없습니다.

SEARCH

MENU NAVIGATION