Anonymous, Homeric Hymns, Εἲσ Ἑρμῆν 49:

(익명 저작, Homeric Hymns, Εἲσ Ἑρμῆν 49:)

τὸν δ’ Ἑρμῆσ μύθοισιν ἀμείβετο κερδαλέοισιν· εἰρωτᾷσ μ’, Ἐκάεργε, περιφραδέσ· αὐτὰρ ἐγώ σοι τέχνησ ἡμετέρησ ἐπιβήμεναι οὔ τι μεγαίρω. σήμερον εἰδήσεισ· ἐθέλω δέ τοι ἤπιοσ εἶναι βουλῇ καὶ μύθοισι. σὺ δὲ φρεσὶ πάντ’ εὖ οἶδασ· πρῶτοσ γάρ, Διὸσ υἱέ, μετ’ ἀθανάτοισι θαάσσεισ, ἠύσ τε κρατερόσ τε· φιλεῖ δέ σε μητίετα Ζεὺσ ἐκ πάσησ ὁσίησ, ἔπορεν δέ τοι ἀγλαὰ δῶρα. καὶ τιμάσ σέ γέ φασι δαήμεναι ἐκ Διὸσ ὀμφῆσ μαντείασ θ’ Ἐκάεργε, Διὸσ παρά, θέσφατα πάντα τῶν νῦν αὐτὸσ ἐγώ σε μαλ’ ἀφνειὸν δεδάηκα· σοὶ δ’ αὐτάγρετόν ἐστι δαήμεναι, ὅττι μενοινᾷσ. ἀλλ’ ἐπεὶ οὖν τοι θυμὸσ ἐπιθύει κιθαρίζειν, μέλπεο καὶ κιθάριζε καὶ ἀγλαίασ ἀλέγυνε δέγμενοσ ἐξ ἐμέθεν· σὺ δέ μοι, φίλε, κῦδοσ ὄπαζε. εὐμόλπει μετὰ χερσὶν ἔχων λιγύφωνον ἑταίρην, καλὰ καὶ εὖ κατὰ κόσμον ἐπιστάμενοσ ἀγορεύειν. εὔκηλοσ μὲν ἔπειτα φέρειν ἐσ δαῖτα θάλειαν καὶ χορὸν ἱμερόεντα καὶ ἐσ φιλοκυδέα κῶμον εὐφροσύνην νυκτόσ τε καὶ ἤματοσ. ὅσ τισ ἂν αὐτὴν τέχνῃ καὶ σοφίῃ δεδαημένοσ ἐξερεείνῃ, φθεγγομένη παντοῖα νόῳ χαρίεντα διδάσκει ῥεῖα συνηθείῃσιν ἀθυρομένη μαλακῇσιν, ἐργασίην φεύγουσα δυήπαθον· ὃσ δέ κεν αὐτὴν νῆισ ἐὼν τὸ πρῶτον ἐπιζαφελῶσ ἐρεείνῃ, μὰψ αὔτωσ κεν ἔπειτα μετήορά τε θρυλλίζοι.

일치하는 문장이 없습니다.

SEARCH

MENU NAVIGATION