Anonymous, Homeric Hymns, Εἲσ Ἑρμῆν 46:

(익명 저작, Homeric Hymns, Εἲσ Ἑρμῆν 46:)

ὣσ ἄρ ἔφη καὶ χερσὶ περίστρεφε καρτερὰ δεσμὰ [ἐνδῆσαι μεμαὼσ Ἑρμῆν κρατεραῖσι λύγοισι. τὸν δ’ οὐκ ἴσχανε δεσμά, λύγοι δ’ ἀπὸ τηλόσε πῖπτον] ἄγνου· ταὶ δ’ ὑπὸ ποσσὶ κατὰ χθονὸσ αἶψα φύοντο αὐτόθεν, ἐμβολάδην ἐστραμμέναι ἀλλήλῃσι, ῥεῖά τε καὶ πάσῃσιν ἐπ’ ἀγραύλοισι βόεσσιν, Ἑρμέω βουλῇσι κλεψίφρονοσ· αὐτὰρ Ἀπόλλων θαύμασεν ἀθρήσασ. τότε δὴ κρατὺσ Ἀργειφόντησ χῶρον ὑποβλήδην ἐσκέψατο, πῦρ ἀμαρύσσων, ἐγκρύψαι μεμαώσ· Λητοῦσ δ’ ἐρικυδέοσ υἱὸν ῥεῖα μάλ’ ἐπρήυνεν ἑκηβόλον, ὡσ ἔθελ’ αὐτόσ, καὶ κρατερόν περ ἐόντα· λαβὼν δ’ ἐπ’ ἀριστερὰ χειρὸσ πλήκτρῳ ἐπειρήτιζε κατὰ μέροσ· ἣ δ’ ὑπὸ χειρὸσ σμερδαλέον κονάβησε· γέλασσε δὲ Φοῖβοσ Ἀπόλλων γηθήσασ, ἐρατὴ δὲ διὰ φρένασ ἤλυθ’ ἰωὴ θεσπεσίησ ἐνοπῆσ καὶ μιν γλυκὺσ ἵμεροσ ᾕρει θυμῷ ἀκουάζοντα· λύρῃ δ’ ἐρατὸν κιθαρίζων στῆ ῥ’ ὅ γε θαρσήσασ ἐπ’ ἀριστερὰ Μαιάδοσ υἱὸσ Φοίβου Ἀπόλλωνοσ· τάχα δὲ λιγέωσ κιθαρίζων γηρύετ’ ἀμβολάδην ‐ ἐρατὴ δέ οἱ ἕσπετο φωνή ‐ κραίνων ἀθανάτουσ τε θεοὺσ καὶ γαῖαν ἐρεμνήν, ὡσ τὰ πρῶτα γένοντο καὶ ὡσ λάχε μοῖραν ἕκαστοσ. Μνημοσύνην μὲν πρῶτα θεῶν ἐγέραιρεν ἀοιδῇ, μητέρα Μουσάων· ἣ γὰρ λάχε Μαιάδοσ υἱόν· τοὺσ δὲ κατὰ πρέσβιν τε καὶ ὡσ γεγάασιν ἕκαστοσ ἀθανάτουσ ἐγέραιρε θεοὺσ Διὸσ ἀγλαὸσ υἱόσ, πάντ’ ἐνέπων κατὰ κόσμον, ἐπωλένιον κιθαρίζων. τὸν δ’ ἔροσ ἐν στήθεσσιν ἀμήχανοσ αἴνυτο θυμόν, καὶ μιν φωνήσασ ἔπεα πτερόεντα προσηύδα·

일치하는 문장이 없습니다.

SEARCH

MENU NAVIGATION