호흡부호 보기
강세부호 보기
장단부호 보기
작은 Iota 보기
모든 부호 보기
ὄφρα δὲ πῦρ ἀνέκαιε βίη κλυτοῦ Ἡφαίστοιο, τόφρα δ’ ὑποβρύχουσ ἕλικασ βοῦσ εἷλκε θύραζε δοιὰσ ἄγχι πυρόσ· δύναμισ δέ οἱ ἕσπετο πολλή. ἀμφοτέρασ δ’ ἐπὶ νῶτα χαμαὶ βάλε φυσιοώσασ· ἀγκλίνων δ’ ἐκύλινδε δι’ αἰῶνασ τετορήσασ. ἔργῳ δ’ ἔργον ὄπαζε ταμὼν κρέα πίονα δημῷ· ὤπτα δ’ ἀμφ’ ὀβελοῖσι πεπαρμένα δουρατέοισι σάρκασ ὁμοῦ καὶ νῶτα γεράσμια καὶ μέλαν αἷμα ἐργμένον ἐν χολάδεσσι· τὰ δ’ αὐτοῦ κεῖτ’ ἐπὶ χώρησ· ῥινοὺσ δ’ ἐξετάνυσσε καταστυφέλῳ ἐνὶ πέτρῃ, ὡσ ἔτι νῦν τὰ μέτασσα πολυχρόνιοι πεφύασι, δηρὸν δὴ μετὰ ταῦτα καὶ ἄκριτον· αὐτὰρ ἔπειτα Ἑρμῆσ χαρμόφρων εἰρύσατο πίονα ἔργα λείῳ ἐπὶ πλαταμῶνι καὶ ἔσχισε δώδεκα μοίρασ κληροπαλεῖσ· τέλεον δὲ γέρασ προσέθηκεν ἑκάστῃ. ἔνθ’ ὁσίησ κρεάων ἠράσσατο κύδιμοσ Ἑρμῆσ· ὀδμὴ γάρ μιν ἔτειρε καὶ ἀθάνατόν περ ἐόντα ἡδεῖ’· ἀλλ’ οὐδ’ ὥσ οἱ ἐπείθετο θυμὸσ ἀγήνωρ, καί τε μάλ’ ἱμείροντι, περῆν ἱερῆσ κατὰ δειρῆσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기