Anonymous, Homeric Hymns, Εἲσ Ἑρμῆν 12:

(익명 저작, Homeric Hymns, Εἲσ Ἑρμῆν 12:)

τόσσον φὰσ συνέσευε βοῶν ἴφθιμα κάρηνα. πολλὰ δ’ ὄρη σκιόεντα καὶ αὐλῶνασ κελαδεινοὺσ καὶ πεδί’ ἀνθεμόεντα διήλασε κύδιμοσ Ἑρμῆσ. ὀρφναίη δ’ ἐπίκουροσ ἐπαύετο δαιμονίη νύξ, ἡ πλείων, τάχα δ’ ὄρθροσ ἐγίγνετο δημιοεργόσ· ἣ δὲ νέον σκοπιὴν προσεβήσατο δῖα Σελήνη, Πάλλαντοσ θυγάτηρ Μεγαμηδείδαο ἄνακτοσ. τῆμοσ ἐπ’ Ἀλφειὸν ποταμὸν Διὸσ ἄλκιμοσ υἱὸσ Φοίβου Ἀπόλλωνοσ βοῦσ ἤλασεν εὐρυμετώπουσ. ἀκμῆτεσ δ’ ἵκανον ἐπ’ αὔλιον ὑψιμέλαθρον καὶ ληνοὺσ προπάροιθεν ἀριπρεπέοσ λειμῶνοσ. ἔνθ’ ἐπεὶ εὖ βοτάνησ ἐπεφόρβει βοῦσ ἐριμύκουσ καὶ τὰσ μὲν συνέλασσεν ἐσ αὔλιον ἀθρόασ οὔσασ, λωτὸν ἐρεπτομένασ ἠδ’ ἑρσήεντα κύπειρον· σὺν δ’ ἐφόρει ξύλα πολλά, πυρὸσ δ’ ἐπεμαίετο τέχνην. δάφνησ ἀγλαὸν ὄζον ἑλὼν ἀπέλεψε σιδήρῳ ἄρμενον ἐν παλάμῃ· ἄμπνυτο δὲ θερμὸσ ἀυτμή· Ἑρμῆσ τοι πρώτιστα πυρήια πῦρ τ’ ἀνέδωκε. πολλὰ δὲ κάγκανα κᾶλα κατουδαίῳ ἐνὶ βόθρῳ οὖλα λαβὼν ἐπέθηκεν ἐπηετανά· λάμπετο δὲ φλὸξ τηλόσε φῦσαν ἱεῖσα πυρὸσ μέγα δαιομένοιο.

일치하는 문장이 없습니다.

SEARCH

MENU NAVIGATION